दादुराबाट १६ जिल्लामा एक हजार भन्दा बढी बिरामी

स्वास्थ्य

गृहपृष्ठ
स्वास्थ्य
दादुराबाट १६ जिल्लामा एक हजार भन्दा बढी बिरामी

दादुराबाट १६ जिल्लामा एक हजार भन्दा बढी बिरामी

बुधबार, जेठ ३१, २०८० बागेश्वरी पोस्ट

नेपालगन्ज । । देशभरमा दादुरा प्रकोपबाट १६ जिल्लाका एक हजार भन्दा बढी बिरामी परेका छन् । स्वास्थ्य विभागको परिवार कल्याण महाशाखाले सार्वजनिक गरेको प्रतिवेदनमा १६ जिल्लाको एक हजार तीन जनामा दादुरा फैलिएको हो ।

महाशाखाका निर्देशक डा. विवेककुमार लालका अनुसार मोरङ, सुनसरी, धनुषा, महोत्तरी, सर्लाही, चितवन, काठमाडौँ, कपिलवस्तु, अर्घाखाँची, दाङ, बाके, बर्दिया, सुर्खेत, कैलाली, कन्चनपुर र बाजुरा जिल्लामा दादुराको प्रकोप भएको छ ।

ती जिल्ला मध्ये सबैभन्दा बढी कैलाली, सुनसरी र महोत्तरी जिल्लाका बालबालिका बढी सताइएका छन् । कैलालीको धनगढी उपमहानगरपालिका, गौरीगङ्गा नगरपालिका र गोदावारी नगरपालिका, सुनसरीको बर्जु नगरपालिका र महोत्तरीको गौलाशा नगरपालिका–२ र ५ मा दादुराको प्रकोप बढेको छ ।

ती स्थानीय तहका छ महिनादेखि १५ वर्ष उमेर समूहका बालबालिकालाई दादुरा विरुद्धको खोप लगाइएको र अहिलेसम्म बाँकेको नेपालगंजमा एक जनाको मृत्यु भएको प्रतिवेदनमा उल्लेख गरिएको छ ।

प्रकाशित मिति: बुधबार, जेठ ३१, २०८० १४:३१