नेपालगन्जको वडा नंं ४ ले गर्‍यो निशुल्क आँखा शिविर,४०० बढीले लिए लाभ

स्वास्थ्य

गृहपृष्ठ
स्वास्थ्य
नेपालगन्जको वडा नंं ४ ले गर्‍यो निशुल्क आँखा शिविर,४०० बढीले लिए लाभ

नेपालगन्जको वडा नंं ४ ले गर्‍यो निशुल्क आँखा शिविर,४०० बढीले लिए लाभ

आइतबार, माघ १९, २०७६ बागेश्वरी पोस्ट

नेपालगन्ज । नेपालगन्जको वडा नम्बर ४ मा निशुल्क आँखा जाँच शिविर सम्पन्न भएको छ।

वडा नम्बर ४ का अध्यक्ष मो. सफिक बेहनाको अध्यक्षता तथा उच्च अदालत तुलसीपुर, नेपालगन्ज इजलासका माननीय न्यायाधीश राजेश काफ्लेको प्रमुख आतिथ्यतामा सम्पन्न आँखा शिविरमा ४०० बढीको आँखा जाँच गरिएको छ।

वडा नम्बर ४ को सहयोग र भिजन आँखा अस्पतालको आयोजनामा सम्पन्न भएको शिविरमा धेरैलाई समस्या नभएको भिजन आँखा अस्पतालका आँखा विशेषज्ञ डा.प्रचण्ड गौतमले बताए।डा. गौतमका अनुसार ६० जना आँखा बिरामीहरुको अपरेशन गर्नुपर्ने देखिएको छ।

शनिबार सम्पन्न आँखा शिविर कार्यक्रममा कार्यपालिका सदस्य इन्दिरा शाही,वडा सदस्य मेनुका जोशी,वडा सदस्य जय पत्रा कोरी, वडा सचिब गौरी शाही, वडाका नायब सुब्बा राजकुमार कार्की, राप्रपाका केन्द्रिय सदस्य ऋषिराज देबकोटा, डा.प्रचण्ड गौतम लगायत अन्य सर्बसाधारणहरुको उपस्थिति रहेको थियो।

आँखा शिविर उद्घाटन कार्यक्रममा स्वागत मनत्ब्य इन्दिरा शाहीले दिनुभएको थियो भने माननीय न्यायाधीश काफ्लेले वडा नम्बर ४ ले गरेको यस्तो कार्य धेरै सर्हानिय रहेको बताए।त्यस्तै वडा अध्यक्ष बेहनाले आफ्नो वडामा आँखा शिविर कार्यक्रम गरेर ६० जनालाई रोशनी प्रदान गर्न पाउदा अन्त्यत खुशी लागेको बताए।

कार्यक्रममा राप्रपा नेता देबकोटा, डा. गौतम लगायतले कार्यक्रमको शुभकामना दिएका थिए।आँखा शिविरको उद्घाटन माननीय न्यायाधीश काफ्ले र वडा अध्यक्ष बेहनाको आँखा जाँच गरि सुरु गरिएको कार्यक्रम संचालन भिजन अस्पतालका संचालक बाबु तरुण गौतमले गरेका थिए।