कोहलपुरमा क्षयरोग नियन्त्रणका लागि सचेतीकरण

स्वास्थ्य

गृहपृष्ठ
स्वास्थ्य
कोहलपुरमा क्षयरोग नियन्त्रणका लागि सचेतीकरण

कोहलपुरमा क्षयरोग नियन्त्रणका लागि सचेतीकरण

बुधबार, असार ६, २०८० बागेश्वरी पोस्ट

नेपालगञ्ज । बाँकेको कोहलपुर नगरपालिकाले क्षयरोग नियन्त्रणका लागि सचेतीकरण अभियानलाई तीब्र पारेको छ । नगरपालिकाले अहिले क्षयरोगमुक्त अभियानका लागि वडा स्तरमा सुक्ष्म योजना निर्माण गर्ने र आगामी वर्षको योजना तर्जुमालाई तीब्रता दिएको कोहलपुर नगर स्वास्थ्य शाखाका क्षयरोग कार्यक्रम संयोजक राजु केसीले जानकारी दिए ।

यसैक्रममा वडा नम्बर ४ मा आज वडास्तरीय क्षयरोग सम्बन्धि सुक्ष्म योजनाको निर्माण र प्रगति विश्लेषण तथा पुनः योजना निर्माण कार्याशाला गोष्ठी सम्पन्न भएको छ । वडा अध्यक्ष मुवारक अलि गुजरको अध्यक्षतामा भएको गोष्ठीमा बोल्दै कोहलपुर नगरपालिकाका नगर प्रमुख पूर्णप्रसाद आचार्यले क्षयरोगमुक्त अभियानका लागि कोहलपुर नगर प्रतिबद्ध रहेको भन्दै नागरिकहरु पनि सचेत हुनुपर्ने धारणा व्यक्त गरे । उनले जनचेतनाको अभाव र लापरवाहीका कारण कैयौं मानिसहरुले क्षयरोगबाट ज्यान गुमाउनुपरेको उल्लेख गर्दै क्षयरोगको बेलैमा पहिचान गरी उपचारको पहुँचमा ल्याउने गरी काम गर्नुपर्नेमा जोड दिए ।

स्वास्थ्य कार्यालय बाँकेका क्षयरोग फोकल पर्सन मानव नेपालीले क्षयरोग नियन्त्रणका लागि सबैको भूमिका महत्त्वपूर्ण हुने बताए । कार्यक्रममा कोहलपुर नगरपालिकाका प्रमुख प्रशासकीय अधिकृत टिकाराम ढकाल, वातावरण तथा बिपत समिति संयोजक पबित्राकुमारी थारु, वडा सदस्य निर्मला थापा लगायतको सहभागिता रहेको थियो ।

अहिलेसम्म कोहलपुरका १, २, ३, ५, ६, ९, १०, ११, १२ र १३ नम्बर वडामा वडास्तरीय क्षयरोग सम्बन्धि सुक्ष्म योजनाको निर्माण र प्रगति विश्लेषण तथा पुनः योजना निर्माण कार्याशाला गोष्ठी गरिसकिएको छ ।

प्रकाशित मिति: बुधबार, असार ६, २०८० १५:४२

प्रतिक्रिया दिनुहोस्