तीन महिनामा मात्रै दुर्घटनाबाट ५८१ जनाको मृत्यु

स्वास्थ्य

गृहपृष्ठ
स्वास्थ्य
तीन महिनामा मात्रै दुर्घटनाबाट ५८१ जनाको मृत्यु

तीन महिनामा मात्रै दुर्घटनाबाट ५८१ जनाको मृत्यु

शुक्रबार, असार २२, २०८० बागेश्वरी पोस्ट

काठमाडौं । नेपाल प्रहरीको तथ्यांक अनुसार देशभर सवारी दुर्घटनाको अवस्था धेरै कहालीलाग्दो देखिएको छ ।

आज प्रहरीले सार्वजनिक गरेको ३ महिने विवरण अनुसार सवारी दुर्घटनाबाट ५८१ जनाको मृत्यु भएको छ । यो गत ३ महिनाको विवरण हो ।

गत चैत्र १५ देखि असार १५ सम्म मात्रै ६ हजार ४२० वटा सवारीसाधन दुर्घटना भएको प्रहरीले रेकर्डले देखाएको छ।

प्रहरी प्रधान कार्यालय नक्सालका अनुसार ३ महिनाको अवधिमा सवारी दुर्घटनामा मात्रै ५८१ जनाको मृत्यु भएको छ भने १६२७ जना गम्भीर घाइते भएका छन् । ६७२१ जना दुर्घटनाबाट सामान्य घाइते भएका छन् ।

३ महिनाको अवधिमा ट्राफिक नियमविरुद्ध चलेका ७ लाख ३६ हजार ४७० सवारीसाधनलाई ट्राफिक प्रहरीले कारबाही गरेको छ ।

सो अवधिमा मात्रै ट्राफिक प्रहरीले कारबाहीमा परेका सवारीसाधनबाट ५६ करोड ४६ लाख ५४ हजार २ सय रूपैयाँ राजस्व संकलन गरेको छ ।

प्रहरी प्रवक्ता डिआइजी कुबेर कडायतका अनुसार गत वर्ष भन्दा यो वर्षमा दुर्घटनाबाट मृत्यु हुनेको संख्या पनि बढेको र ३ महिनाको अवधिमा ठुला-ठुला सवारी दुर्घटना हुँदा मृतकको संख्या बढेको हो ।

प्रकाशित मिति: शुक्रबार, असार २२, २०८० १७:११