नेपालगन्जको वडा नम्बर ४ मा हात्तीपाईले औषधी सेवन बारेमा अन्तरक्रिया

स्वास्थ्य

गृहपृष्ठ
स्वास्थ्य
नेपालगन्जको वडा नम्बर ४ मा हात्तीपाईले औषधी सेवन बारेमा अन्तरक्रिया

नेपालगन्जको वडा नम्बर ४ मा हात्तीपाईले औषधी सेवन बारेमा अन्तरक्रिया

मंगलबार, माघ २१, २०७६ बागेश्वरी पोस्ट

नेपालगन्ज । नेपालगन्जको वडा नम्बर ४ कार्यालयमा हात्तीपाईले औषधी सेवन अभियानको अन्तरक्रिया कार्यक्रम भएको छ।

मंगलवार वडा अध्यक्ष मो. सफिक बेहनाको अध्यक्षतामा सम्पन्न भएको अन्तरक्रिया कार्यक्रममा हात्तीपाईले बिरुद्धको औषधी सेवन कसरी गराउने भन्ने बारेमा छलफल भएको छ।

अन्तरक्रिया कार्यक्रममा अध्यक्ष बेहनाले वडाका स्वास्थ्यकर्मी लगायत स्वयमसेबिकाहरुलाई आम नागरिकहरुलाई कसरी बुझाएर हुन्छ, अनिबार्य हात्तीपाईले बिरुद्दको औषधी खुवाउन सुझाब दिएका छन् । वडा नम्बर ४ मा सतप्रतिशत जनताले औषधी सेवन गरेको हेर्न चाहेको अध्यक्ष बेहनाले बताएका छन् ।हात्तीपाईले बिरुद्धको औषधी सेवन गरेर रोगबाट बचिने हुँदा समस्त वडाबासीहरुलाई औषधी सेवन गर्न आग्रह गरेका छन् । माघ २५ गते सबैभन्दा पहिले आफुले औषधी सेवन गरेर आमनागरिकहरुलाई सेवन गराउने अध्यक्ष बेहनाले बताए।

त्यस्तै कार्यक्रममा कार्यपालिका सदस्य इन्दिरा शाहीले हात्तीपाईले रोग के हो र यसबाट बच्नलाई किन औषधी सेवन गर्न जरुरी छ, त्यो बारेमा स्वास्थ्यकर्मी र स्वयमसेबिकाहरुले बुझाउन जरुरी रहेको बताइन् । साथै शाहीले वडा नम्बर ४ मा ३०० जनालाई गरिएको हात्तीपाईले रोगको परिक्षणमा ११ जनामा लक्षण देखापरेकोले वडामा सबैलाई औषधी सेवन अनिवार्य रहेको बताइन् ।

कार्यक्रममा शहरी स्वास्थ्य प्रबर्द्धन केन्द्र ब्यबस्थापन समितीकी सदस्य तारा रोकाया र स्वास्थ्य शाखाका बिनोद बिकले हात्तीपाईले औषधी सेवन अभियानलाई सफल बनाउन सबै मिलेर लाग्नुपर्ने कुरा बताए।

आम औषधी सेवन अभियान वडा स्तरीय अन्तरक्रिया कार्यक्रममा वडा सदस्य मेनका जोशी, वडा सदस्य जयपत्रा कोरी, वडा सचिब राजकुमार कार्की , शहरी स्वास्थ्य प्रबर्द्धन केन्द्रकी सुहाना निरौला, वडा कार्यालयकै झरना भट्टराई, प्रेमा शाही, ओस्मान लगायत अन्य स्थानियहरुको सहभागिता रहेको कार्यक्रमको संचालल अहेब पुस्पा खड्काले गरेकी थिइन।

प्रकाशित मिति: मंगलबार, माघ २१, २०७६ १४:५१