नेपालगन्जको एकता स्वास्थ्य क्लिनिकमा निशुल्क स्वास्थ्य परिक्षण,१८० जनाले लिए लाभ

स्वास्थ्य

गृहपृष्ठ
स्वास्थ्य
नेपालगन्जको एकता स्वास्थ्य क्लिनिकमा निशुल्क स्वास्थ्य परिक्षण,१८० जनाले लिए लाभ

नेपालगन्जको एकता स्वास्थ्य क्लिनिकमा निशुल्क स्वास्थ्य परिक्षण,१८० जनाले लिए लाभ

मंगलबार, माघ २१, २०७६ बागेश्वरी पोस्ट

नेपालगन्ज । नेपालगन्जमा आज निशुल्क स्वास्थ्य परिक्षण शिविर सप्पन्न भएको छ।

बिश्व क्यान्सर दिवसका अवसरमा नेपाल अर्बुद रोग निवारण संघ बाँके शाखाको आयोजनामा एकता स्वास्थ्य क्लिनिक पासङ्गलामु रोडमा निशुल्क स्वास्थ्य परिक्षण शिविर सम्पन्न भएको छ।

एकता स्वास्थ्य क्लिनिकमा सम्पन्न शिविरमा १८० जनाले आफ्नो स्वास्थ्य परिक्षण गराएको छाला विशेषज्ञ डा. अभिषेक अर्जेलके जानकारी दिएका छन् । डा. अर्जेलका अनुसार शिविरमा छाला रोग तर्फ ८० जना , इएन्नटीतर्फ ३० जना,गाईनीका ३० जना बिरामी, मेडिसिनतर्फ २५ जना र डेन्टलतर्फ १० जनाले जाँच गराएका छन् ।

त्यस्तै शिविरमा ८० जनाको निशुल्क सुगर जाँच गरिएको छ। शिविरमा आएर जाँच गराएका बिरामीहरुलाई निशुल्क औषधी वितरण गरिएको डा. अर्जेलले बताए।

निशुल्क शिविरमा छाला रोग विशेषज्ञ डा. अभिषेक अर्जेल, इएन्नटीकी डा.अंशु शर्मा, मेडिसिनका डा. मधु अर्याल, डेन्टलबाट डा. द्वारिका बजगाईं र गाईनीमा डा. अंकुर भण्डारीले बिरामीको जाँच गरेका थिए।शिविरमा जिल्ला जनस्वास्थ्य कार्यालय बाँकेले पनि औषधी सहयोग गरेको छ।

शिविरलाई नेपालगंज स्किन सेन्टर,एकता स्वास्थ्य क्लिनिक,डाइैनामिक रीफरेन्स ल्याब र लायल्स क्लब, नेपालगंजको सहयोग गरेको छाला रोग विशेषज्ञ डा. अभिषक अर्जेलले जानकारी दिएका छन् । शिविर कार्यक्रम पश्चात् टोलीले बिपि चोकमा क्यान्सर दिवसको अवसरमा दिप प्रज्वलन गरि क्यान्सर सम्बन्धी परामर्शका पर्चा पम्प्लेट वितरण गरेको छ।

प्रकाशित मिति: मंगलबार, माघ २१, २०७६ २०:१५

प्रतिक्रिया दिनुहोस्