राष्ट्रिय हात्तीपाइले रोग निवारण अभियान शुरु,सबैलाई औषधी खान अनुरोध

स्वास्थ्य

गृहपृष्ठ
स्वास्थ्य
राष्ट्रिय हात्तीपाइले रोग निवारण अभियान शुरु,सबैलाई औषधी खान अनुरोध

राष्ट्रिय हात्तीपाइले रोग निवारण अभियान शुरु,सबैलाई औषधी खान अनुरोध

शुक्रबार, माघ २४, २०७६ बागेश्वरी पोस्ट

भीष्म लोध/नेपालगन्ज ।राष्ट्रिय हात्तीपाइले रोग निवारण अभियान स्वरुप शुक्रबार सरोकारवालाले औषधी सेवन गरेर सबैलाई औषधी खान अनुरोध गरेका छन् ।

औषधी सेवन अभियानको शुभारम्भ कार्यक्रममा शुक्रबार स्वास्थ्य कार्यालय बाँकेमा उपस्थिति भइ सरोकारवालाले औषधी खाएर सबैले औषधी खानुपर्ने भन्दै अनुरोध गरेका हुन् । जिल्ला समन्वय समिति बाँकेका प्रमुख अजय कुमार श्रीवास्तव, बाँकेका शिक्षा इकाई प्रमुख रामसुरेस यादव, स्वास्थ्य कार्यालय बाँकेका प्रमुख जनस्वाथ्य प्रशासक धिरजंग शाह, जनस्वास्थ्य अधिकृत अंगद बहादुर शाही, रेडक्रसका प्रतिनिधि लगायतले हात्तीपाइले बिरुद्धको औषधी सेवन गर्नुभएको छ ।

औषधी सेवनपछि जिल्ला समन्वय समितिका प्रमुख श्रीवास्तवले सबैले नछुटाईकन औषधी सेवन गर्न आम जनतालाई अनुरोध गर्नुभएको छ । मैले त औषधी सेवन गरे, श्रीवास्तवले भन्नुभयो, अब तपाईहरुले पनि खानुस है । औषधी सेवन गरेर हात्तीपाइले रोगलाई निर्मुल पार्न सबै सजक बन्नुपर्ने बताउनुभयो ।

उहाँले औषधी निवारण कार्यक्रमलाई सतप्रतिशत कार्यान्वयन गर्ने बाँकेका आठ वटा स्थानीय तहमध्ये एकलाई समन्वय समितिको कोषबाट बजेट प्रदान गरिने बताउनुभयो । हात्तिपाईले रोग विरुद्धको औषधि नखानेलाई स्थानिय निकायबाट प्रवाह गरिने सेवा सुविधाबाट वञ्चित गर्ने निर्णय गरिएको उल्लेख गर्नुभयो । यसअघि गत बुधबार नेपालगञ्जमा सम्पन्न पाँचौ जिल्ला सभाले हात्तिपाईले रोग बिरुद्धको औषधी नखानेको सेवा सुविधा रोक्ने निर्णय गरिएको छ ।

बाँकेमा यहि माघ २५ गतेदेखि फागुन ५ गतेसम्म हात्तिपाईले रोग विरुद्धको औषधी खुवाउने अभियान सञ्चालन हुन गईरहेको कार्यक्रमकी फोकल पर्सन दुर्गा गौतमले जानकारी दिनुभयो ।

प्रकाशित मिति: शुक्रबार, माघ २४, २०७६ १८:२४

प्रतिक्रिया दिनुहोस्