भाइरोलोजिष्ट सुलभ आचार्य सम्मानित

स्वास्थ्य

गृहपृष्ठ
स्वास्थ्य
भाइरोलोजिष्ट सुलभ आचार्य सम्मानित

भाइरोलोजिष्ट सुलभ आचार्य सम्मानित

शुक्रबार, भदौ २९, २०८० बागेश्वरी पोस्ट

नेपालगञ्ज । कोरोना कहरको बेला पर्दाभित्रका हिरो सुलभ आचार्यलाई स्वास्थ्य कार्यालय बर्दियाले सम्मान गरेको छ ।

नेपाल सरकार एवम् स्वास्थ्य मन्त्रालयले बिर्सेका भाइरोलोजिष्ट सुलभ आचार्यलाई बर्दियाले सम्मान गरेको हो । आचार्यसँगै प्याथोलोजिष्ट डा. प्रज्ञा गौतम घिमिरेलाई पनि स्वास्थ्य कार्यालय बर्दियाले सम्मान गरेको हो ।

कार्यालयले आफ्नो वार्षिक समिक्षा गोष्ठीमा थोपा प्रयोगशाला नेपालगञ्जका प्रमुख कार्यकारी अधिकृत समेत रहेका भाइरोलोजिष्ट आचार्य र नेपालगञ्ज मेडिकल कलेज शिक्षण अस्पताल कोहलपुरका सहप्राध्यापक डा. घिमिरेलाई प्रमाणपत्र र खादाले सम्मान गरेको हो ।

सिकलसेल एनिमिया र थालेसेमिया रोगको परीक्षण, निदान, उपचार व्यवस्थापन तथा परामर्श कार्यमा योगदान पुर्‍याएको भन्दै आचार्य र घिमिरेलाई सम्मान गरिएको हो ।

बर्दियाका प्रमुख जिल्ला अधिकारी नारायणप्रसाद रिसाल, जिल्ला समन्वय समिति प्रमुख सूर्यबहादुर बिष्ट र स्वास्थ्य कार्यालयका प्रमुख गोकर्ण गिरीले उनीहरुलाई सम्मानित गरेका हुन् ।

प्रकाशित मिति: शुक्रबार, भदौ २९, २०८० २१:१०