भूकम्पकी घाइते आमाको पेटभित्र मरेको शिशुलाई अपरेशन गरेर निकालियो

स्वास्थ्य

गृहपृष्ठ
स्वास्थ्य
भूकम्पकी घाइते आमाको पेटभित्र मरेको शिशुलाई अपरेशन गरेर निकालियो

भूकम्पकी घाइते आमाको पेटभित्र मरेको शिशुलाई अपरेशन गरेर निकालियो

भेरी अस्पतालमा ४१ जनाको उपचार जारी, एक जना आइसियुमा

सोमबार, कात्तिक २०, २०८० बागेश्वरी पोस्ट

नेपालगञ्ज । जाजरकोट भूकम्पबाट भेरी अस्पतालमा उपचाररत घाइतेहरूमध्ये आमाको पेटभित्र मरेको शिशुलाई शल्यक्रिया गरी निकालिएको छ । भेरी अस्पतालमा अहिलेसम्म सात जना घाइतेको अपरेशन गरिएको छ । घाइते भएकामध्ये ४१ जनाको भेरी अस्पतालमा उपचार चलिरहेको छ । हालसम्म ४३ जना भर्ना भएकोमा एक जनाको मृत्यु भएको छ भने एक जना डिष्चार्ज भएका छन् ।

एक जनाको आइसियूमा उपचार भइरहेको जिल्ला आपतकालीन कार्यालय संचालन केन्द्र बाँकेका फोकल पर्सन नरेश श्रेष्ठले बताउनुभयो । पहिले सिकिस्त भए पनि हाल सुधारोन्मुख घाइतेको संख्या दुई र सामान्य सुधारोन्मुख घाइतेको संख्या ३९ रहेको श्रेष्ठले जानकारी दिनुभयो । पछिल्लो १२ घन्टाभित्र चार जना घाइते भेरी अस्पतालमा थपिएका छन् भने एक जना उपचारपछि घर फर्किएको अस्पतालले जानकारी दिएको छ ।

आज बिहानसम्म भेरीमा २३ महिला र १८ पुरुषको उपचार भइरहेको छ । यी मध्ये जाजरकोटका २७, रुकुम पश्चिमका १३ तथा बाँके र सल्यानका १र१ जना छन् ।

प्रकाशित मिति: सोमबार, कात्तिक २०, २०८० ०८:५५