भेरी अस्पतालमा भूकम्पका ४६ घाइते उपचाररत, दुई जना डिष्चार्ज

स्वास्थ्य

गृहपृष्ठ
स्वास्थ्य
भेरी अस्पतालमा भूकम्पका ४६ घाइते उपचाररत, दुई जना डिष्चार्ज

भेरी अस्पतालमा भूकम्पका ४६ घाइते उपचाररत, दुई जना डिष्चार्ज

मंगलबार, कात्तिक २१, २०८० बागेश्वरी पोस्ट

नेपालगञ्ज । जाजरकोट भूकम्पमा घाइते भएका ४६ जनाको नेपालगन्जस्थित भेरी अस्पतालमा उपचार भइरहेको छ । हिजो आएको परकम्पमा परी घाइते भएका तीन महिने नाबालकलाई पनि आज भेरी अस्पतालमा ल्याइएको छ । हालसम्म ४९ जना भर्ना भएकोमा एक जनाको मृत्यु भएको छ भने दुई जना डिष्चार्ज भएका छन् ।

एक जनाको आइसियूमा उपचार भइरहेको जिल्ला आपतकालीन कार्यालय संचालन केन्द्र बाँकेका फोकल पर्सन नरेश श्रेष्ठले बताए । पहिले सिकिस्त भए पनि हाल सुधारोन्मुख घाइतेको संख्या २ र सामान्य सुधारोन्मुख घाइतेको संख्या ४४ रहेको श्रेष्ठले जानकारी दिए । पछिल्लो १२ घन्टाभित्र २ जना घाइते भेरी अस्पतालमा थपिएका छन् भने दुई जना उपचारपछि घर फर्किएको अस्पतालले जानकारी दिएको छ ।

आज बिहानसम्म भेरीमा २६ महिला र २० जना पुरुषको उपचार भइरहेको छ । यी मध्ये जाजरकोटका ३०, रुकुम पश्चिमका १३, बाँकेका २ र सल्यानका १ जना छन् ।

प्रकाशित मिति: मंगलबार, कात्तिक २१, २०८० ११:३७