नेपालगञ्जका स्वास्थ्य संस्थाहरुको अनुगमन

स्वास्थ्य

गृहपृष्ठ
स्वास्थ्य
नेपालगञ्जका स्वास्थ्य संस्थाहरुको अनुगमन

नेपालगञ्जका स्वास्थ्य संस्थाहरुको अनुगमन

बुधबार, कात्तिक २२, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकाले स्वास्थ्य संस्थाहरुको अनुगमन थालेको छ । स्वास्थ्य संस्थाहरुले प्रवाह गरिरहेको सेवाको गुणस्तरियताको अनुगमन थालिएको हो । स्वास्थ्य महाशाखा प्रमुख रामबहादुर चन्दका अनुसार आज ३ वटा १५ बेडका हस्पिटलसहित एउटा भिडियो एक्सरे केन्द्रको अनुगमन गरिएको छ । कृपा, बैष्णबी, सेन्ट्रल सिटी हस्पिटलसंगै एउटा भिडियो एक्सरे केन्द्रको अनुगमन गरिएको हो ।

स्वास्थ्य संस्थाको सेवा प्रवाहको गुणस्तरियता हेरेर सञ्चालन अनुमति नवीकरण गरिने भएकाले अनुगमन थालिएको हो । अनुगमनका क्रममा देखिएका त्रुटीहरु सच्याउन भनिएको छ । अनुगमन टोलीले आवश्यक सुझाबहरु दिँदै गुणस्तर कायम राख्न निर्देशन दिएको छ । विपन्न नागरिकलाई उपचारमा राज्यले भने बमोजिम सुविधा निःशुल्क उपलब्ध गराउन समेत सचेत बनाइएको छ ।

अनुगमन टोलीमा महाशाखा प्रमुख चन्द, जनस्वास्थ्य निरीक्षकत्रय जागेश्वर बस्नेत, तेज वली र राजन शाही, इन्जिनियर भूपेन्द्र बोहरा र फर्मासिष्ट अस्मित आचार्य सहभागी थिए ।

No description available.