नसर्ने रोगहरुका विषयमा सचेतना बढाउन प्रबद्र्धनात्मक कार्यक्रम

स्वास्थ्य

गृहपृष्ठ
स्वास्थ्य
नसर्ने रोगहरुका विषयमा सचेतना बढाउन प्रबद्र्धनात्मक कार्यक्रम

नसर्ने रोगहरुका विषयमा सचेतना बढाउन प्रबद्र्धनात्मक कार्यक्रम

मंगलबार, मंसिर २६, २०८० बागेश्वरी पोस्ट

नेपालगञ्ज । नेपालगञ्जमा नसर्ने रोगहरुका विषयमा सचेतना बढाउन प्रबद्र्धनात्मक कार्यक्रम सुरु गरिएको छ । डरलाग्दोरुपमा बढिरहेको नसर्ने रोगहरुका विषयमा समुदायस्तरमा सचेतना बढाउन प्रबद्र्धनात्मक कार्यक्रम सुरु गरिएको हो ।

'स्वास्थ्यमा सर्वव्यापी पहुँच दिवस'को अवसरमा आज वडा नम्बर ४ मा सचेतना कार्यक्रम गरिएको छ । सुरक्षित मातृत्व सञ्जालको आयोजना एवम् वडा नम्बर ४ स्थित सहरी स्वास्थ्य प्रबद्र्धन केन्द्रको सहकार्यमा सचेतना कार्यक्रम गरिएको हो ।

महिला स्वास्थ्य स्वयंसेविका, स्वास्थ्य आमा समूहका अध्यक्ष, विद्यालयमा अध्यापन गर्ने स्वास्थ्य शिक्षक र सहरी स्वास्थ्य प्रबद्र्धन केन्द्रमा नियमित उपचारमा रहेका मधुमेह र रक्तचापका विरामीहरुको सहभागितामा नसर्ने रोग सम्बन्धमा सचेतना कार्यक्रम गरिएको केन्द्रकी जनस्वास्थ्य अधिकृत रोशनी पुनले बताइन् ।

नसर्ने रोग लाग्नु भन्दा अघि नै रोग लाग्न नदिन सचेतता अपनाउनका लागि समुदायस्तरमा जागरण ल्याउन सचेतना कार्यक्रम गरिएको पुनले जानकारी दिइन् । नसर्ने रोगबाट बच्नका लागि शारीरिक तन्दुरुस्तता, खानपिन र नियमित चेकजाँचमा ध्यान दिन जरुरी रहेको पुनको भनाई छ ।

वडा नम्बर ४ का वडा अध्यक्ष गोपाल पुनको अध्यक्षतामा कार्यक्रम सम्पन्न भएको थियो ।

प्रकाशित मिति: मंगलबार, मंसिर २६, २०८० १७:३८

प्रतिक्रिया दिनुहोस्