बर्दिया अस्पताल न्यूनतम सेवा मापदण्डमा लुम्बिनीमा प्रथम

स्वास्थ्य

गृहपृष्ठ
स्वास्थ्य
बर्दिया अस्पताल न्यूनतम सेवा मापदण्डमा लुम्बिनीमा प्रथम

बर्दिया अस्पताल न्यूनतम सेवा मापदण्डमा लुम्बिनीमा प्रथम

बुधबार, पुस ४, २०८० बागेश्वरी पोस्ट

नेपालगन्ज । बर्दिया अस्पताल न्यूनतम सेवा मापदण्डमा लुम्विनी प्रदेशमा पहिलो भएको छ । आर्थिक वर्ष २०७९/०८० को न्यूनतम सेवा मापदण्डमा अहिलेसम्म गरिएको मूल्यांकनमा बर्दिया अस्पताल पहिलो भएको अस्पतालका निर्देशक डा.सुभाष पाण्डेले जानकारी दिए ।

लुम्विनी प्रदेश स्वास्थ्य निर्देशक डा.विनोद गिरी, भेरी अस्पताल नेपालगन्जका नर्सिङ प्रमुख दुर्गा लक्ष्मी श्रेष्ठ, निर्देशनालयका प्रजनन स्वास्थ्य कार्यक्रमका फोकल पर्सन कौशल भण्डारी, स्वास्थ्य सेवा विभाग उपचारात्मक महाशाखा न्यूनमत सेवा मापदण्ड शाखा प्रमुख डा. नरेन्द्र खनालसहितको टोलीले दुई दिन लगाएर गरेको स्थलगत मूल्यांकनमा बर्दिया अस्पताल पहिलो भएको निर्देशक पाण्डेले बताए ।

९३९ वटा विभिन्न सूचकमा गरिएको मूल्यांकनमा अस्पतालले १ सयमा ९६ अंक ल्याएको छ । अस्पतालको प्रशासन व्यवस्थापन, क्लिनिकल उपचार, सपोर्ट कार्यक्रम लगायतलाई आधार मानेर मापन गर्ने गरिएको छ । अस्पतालको प्रशासन, व्यवस्थापन, बजेट खर्चको अवस्था, विशेषज्ञ सेवा, नि:शुल्क उपचार सेवा, फोहरमैला व्यवस्थापन लगायतलाई आधार मानेर मूल्यांकन गर्ने गरिएको छ । प्रदेश मातहतमा रहेका अस्पतालहरुको जारी मूल्यांकनमा बर्दिया अस्पताल दोस्रो स्थानमा छ ।

भक्तपुर अस्पताल ९७ अंकसहित अहिलेसम्म पहिलो स्थानमा रहेको छ । लुम्विनी प्रदेशमा रोल्पा ८५ अंकसहित अहिलेसम्म दोस्रो स्थानमा छ । प्रदेश मातहतका अन्य अस्पतालहरुको मूल्यांकन गर्ने काम जारी रहेको बताइएको छ । अस्पतालले पाठेघरको मुखको क्यान्सरको नि:शुल्क जाँच, सिकलसेल एनिमिया चेकजाँच समेत नि:शुल्क हुने गरेको पाण्डेले बताए ।

प्रकाशित मिति: बुधबार, पुस ४, २०८० १२:५४

प्रतिक्रिया दिनुहोस्