नेपाल स्वास्थ्यकर्मी संघ बाँकेको विशेष भेला सम्पन्न

स्वास्थ्य

गृहपृष्ठ
स्वास्थ्य
नेपाल स्वास्थ्यकर्मी संघ बाँकेको विशेष भेला सम्पन्न

नेपाल स्वास्थ्यकर्मी संघ बाँकेको विशेष भेला सम्पन्न

आइतबार, पुस १५, २०८० बागेश्वरी पोस्ट

नेपालगन्ज । नेपाल स्वास्थ्यकर्मी संघ बाँकेको बिशेष भेला सम्पन्न भएको छ । संघका अध्यक्ष टेक बहादुर केसीको अध्यक्षता एवम् निवर्तमान अध्यक्ष सरोजकुमार शाहको विशेष उपस्थितिमा भेला सम्पन्न भएको थियो ।

भेलाले बाँके जिल्लाका ८ स्थानीय तहमा नेपाल स्वास्थ्यकर्मी संघको स्थानीय तहको अधिबेसन यही माघ महिनाको १५ गतेभित्र सम्पन्न हुने गरी समन्वय तथा परिपत्र गर्ने, पालिका तथा जिल्ला तहको अधिवेशन सम्पन्न गर्नका लागि ७ सदस्यीय समिति गठन गरेको छ । अध्यक्ष केसीको संयोजकत्वको बनेको समितिमा सहसंयोजकमा तेजबहादुर वली तथा सदस्यहरुमा नरेशबाबु श्रेष्ठ, दुर्गा गौतम, जागेश्वर बस्नेत, राजेश सेन र टामलाल बेल्बासे छन् ।

भेलामा विभिन्न पदमा निर्वाचित हुने विभिन्न व्यक्तित्वहरुलाई सम्मान तथा बधाई ज्ञापन समेत गरिएको छ । प्रजातान्त्रिक जनस्वास्थ्यकर्मी संघको केन्द्रिय बरिष्ठ उपाध्यक्षमा निर्वाचित नरेशबाबु श्रेष्ठ, लर्ड बुद्ध एजुकेशनल एकेडेमी कर्मचारी संघको केन्द्रिय सभापतीमा निर्वाचित यमबहादुर खड्का, विभागीय अध्यक्षमा निर्वाचित विजय त्रिपाठी, ट्रेड युनियन कांग्रेस जिल्ला कार्यसमिति बाँकेको सहसचिवमा निर्वाचित अमृता शाही, सदस्य मोहन देवकोटा र हेमन्त शर्मालाई सम्मान गरिएको हो ।

अब पौष १६ गतेदेखि नै स्थानीय तहका आस्थावान स्वास्थ्य कर्मीहरुबीच समन्वय, बैठक तथा अधिबेसन सम्पन्न गर्न जिल्लाको टिम समेत खटिने संघका कार्यबाहक सचिव तेज वलीले बताए ।

प्रकाशित मिति: आइतबार, पुस १५, २०८० १८:३४

प्रतिक्रिया दिनुहोस्