स्वास्थ्य कार्यालय बाँकेकी प्रमुख पौडेलको रिट खारेज, सरुवा सदर

स्वास्थ्य

गृहपृष्ठ
स्वास्थ्य
स्वास्थ्य कार्यालय बाँकेकी प्रमुख पौडेलको रिट खारेज, सरुवा सदर

स्वास्थ्य कार्यालय बाँकेकी प्रमुख पौडेलको रिट खारेज, सरुवा सदर

पौडेल अब स्वास्थ्य निर्देशनालय दाङमा हाजिर हुनुपर्ने

बिहीबार, माघ ११, २०८० बागेश्वरी पोस्ट

नेपालगञ्ज । स्वास्थ्य कार्यालय बाँकेका प्रमुख वरिष्ठ जनस्वास्थ्य अधिकृत सुनिता पौडेलले सरुवा वदरको मागसहित दायर गरेको रिट उच्च अदालत तुलसीपुर नेपालगञ्ज इजलासले खारेज गरेको छ । पौडेललाई लुम्विनी प्रदेश स्वास्थ्य मन्त्रालयले गएको साउन ३१ गते स्वास्थ्य निर्देशनालय दाङमा सरुवा गरेको थियो ।

नियमित प्रक्रिया भन्दै मन्त्रालयले पौडेलसहित ठूलो संख्यामा प्रदेशका स्वास्थ्यका कर्मचारीको सरुवा गरेको थियो । अन्य सबै कर्मचारी सरुवा भएका स्थानमा रमाना बुझेर गए पनि पौडेल भने सरुवा बदरको माग गर्दै अदालत पुगेकी थिइन् ।

लुम्विनी प्रदेश सरकार र स्वास्थ्य मन्त्रालयलाई विपक्षी बनाई उनले दायर रिटको बुधबार अन्तिम सुनुवाई गर्दै उच्च अदालतका न्यायधीशद्वय टंकप्रसाद गुरुङ र केशबराज जोशीको संयुक्त इजलासले पौडेलको रिट खारेज गरेको हो ।

लुम्विनी प्रदेश स्वास्थ्य मन्त्रालयको सरुवाको निर्णयलाई उच्चले सदर गरिदिएको छ । उच्चको निर्णयसँगै वरिष्ठ जनस्वास्थ्य अधिकृत पौडेल अब स्वास्थ्य निर्देशनालय दाङमा हाजिर हुनुपर्नेछ ।

प्रकाशित मिति: बिहीबार, माघ ११, २०८० ०८:५४

प्रतिक्रिया दिनुहोस्