नेपालगन्जमा पहिलोपटक अवेक क्रेनियोटोमी गरी ब्रेन ट्युमरको सफल शल्यक्रिया

स्वास्थ्य

गृहपृष्ठ
स्वास्थ्य
नेपालगन्जमा पहिलोपटक अवेक क्रेनियोटोमी गरी ब्रेन ट्युमरको सफल शल्यक्रिया

नेपालगन्जमा पहिलोपटक अवेक क्रेनियोटोमी गरी ब्रेन ट्युमरको सफल शल्यक्रिया

सोमबार, चैत ५, २०८० बागेश्वरी पोस्ट

नेपालगन्ज । नेपालगन्जस्थित मेडिकल कलेजमा पहिलोपटक अवेक क्रेनियोटोमी गरी ब्रेन ट्युमरको सफल शल्यक्रिया गरिएको छ ।

नेपालगन्ज मेडिकल कलेज शिक्षण अस्पतालले पश्चिम नेपालमै जटिल खालको यो शल्यक्रिया नेपालगन्जमा सम्भव भएको जनाएको छ । नेपालगन्ज उप-महानगरपालिका-११ का रेखा कश्यप र वीरेन्द्रनगर नगरपालिका-१ सुर्खेतकी दीपा गौतमको शल्यक्रिया सफलतापूर्वक गरिएको हो ।

एक हप्ताको बीचमा अस्पतालमा दुई वटा अवेक क्रेनियोटोमी गरी ब्रेन ट्युमरको सफल शल्यक्रिया गरिएको अस्पतालले आज पत्रकार सम्मेलन गरी जानकारी गराएको हो । अन्नपूर्ण न्यूरो अस्पताल काठमाडौंको सहकार्यमा मेडिकल कलेजमा न्यूरो साइन्स विभाग संचालनमा आएपछि जटिल खालका शल्यक्रिया सम्भव भइरहेका छन् ।

न्यूरोसर्जन डा.मनिष कोलाक्षपति, डा.निरज घिमिरे, डा.सुबोध गौतम, डा.उपमा शर्मा र एनेस्थेसिया विभागबाट डा.नवीन कुमार रेग्मी, डा.कपिल पोख्रेल लगायतको टिमले शल्यक्रिया गरेको हो ।