तराईमा आज होली मनाइँदै

समाचार

गृहपृष्ठ
समाचार
तराईमा आज होली मनाइँदै

तराईमा आज होली मनाइँदै

सोमबार, चैत १२, २०८० गौरब गिरी

नेपालगञ्ज । तराईमा आज होली मनाइँदैछ । पहाडी क्षेत्रमा होली मनाएको भोलिपल्ट तराईका जिल्लामा होली मनाउने चलन छ । काठमाडौं लगायत पहाडी क्षेत्रमा हिजो नै होली मनाइएको छ । तराईका जिल्लामा आज रंग र अवीर दलेर शुभकामना साटासाट गर्दै विभिन्न गीत गाउँदै होली पर्व मनाइन्छ ।

होलीलाई असत्यमाथि सत्यको विजयको प्रतिकका रूपमा हार्षोल्लासका रूपमा मनाइन्छ । होलीले एक अर्कामा सौहार्दता र आत्मियता बढाउने भएकाले यसले मानिसहरूबीच एकतालाई अझै प्रगाढ तुल्याउने विश्वास गरिन्छ । केही वर्षयता होली मनाउने शैली सभ्य बन्दै पनि गएको छ। मानिसहरूको इच्छा विपरीत रङ दल्ने र लोला हान्ने प्रवृत्ति निस्तेज हुँदै गएको छ ।

होलीलाई सभ्य तरिकाले मनाउन र उच्छृंखल गतिविधि हुन नदिन स्थानीय प्रशासनहरूले उल्लेख्य संख्यामा प्रहरी परिचालन गर्छन् । नेपालगञ्जमा पनि धुमधामका साथ होली मनाइँदैछ ।

प्रकाशित मिति: सोमबार, चैत १२, २०८० ०९:२०

प्रतिक्रिया दिनुहोस्