धुम्रपान तथा सुर्तीजन्य पदार्थ नियन्त्रण र नियमन गर्दै नेपालगञ्ज उपमहानगरपालिका

स्वास्थ्य

गृहपृष्ठ
स्वास्थ्य
धुम्रपान तथा सुर्तीजन्य पदार्थ नियन्त्रण र नियमन गर्दै नेपालगञ्ज उपमहानगरपालिका

धुम्रपान तथा सुर्तीजन्य पदार्थ नियन्त्रण र नियमन गर्दै नेपालगञ्ज उपमहानगरपालिका

मंगलबार, वैशाख ४, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले धुम्रपान तथा सुर्तीजन्य पदार्थको नियन्त्रण र नियमनलाई अभियानका रुपमा अगाडि बढाएको छ । नयाँ बर्ष २०८१ को प्रारम्भसंगै धुम्रपान तथा सुर्तीजन्य पदार्थको नियन्त्रण र नियमनलाई अभियानकै रुपमा अगाडि बढाइएको हो ।

पहिलो चरणमा सचेतना प्रबद्र्धन र कानुनी प्रावधानबारे सचेत बनाउने गरी नेपालगञ्ज उपमहानगरपालिका अगाडि बढेको छ । धुम्रपान तथा सुर्तीजन्य पदार्थको कानुनसम्मत विक्रि वितरण, सार्वजनिक ठाउँहरुमा पूर्णरुपमा सेवन निषेध तथा आमरुपमा सेवनदर घटाउने उद्देश्यका साथ अभियान थालिएको नगर प्रमुख प्रशान्त विष्टले बताए । धुम्रपान र सुर्तीजन्य पदार्थको सेवनले निम्त्याउने स्वास्थ्य जटिलता, पारिवारिक तनाव र सामाजिक व्यवहारको असरलाई जनमानसमा सञ्चार गर्दै स्वस्थ समाज निर्माण गर्ने उद्देश्यका साथ अभियानलाई प्रभावकारीरुपमा अगाडि बढाउने नगर प्रमुख विष्टको भनाई छ ।

सचेतना प्रबद्र्धनको अभियानसंगै दण्ड, जरिवाना र कारबाहीको प्रक्रियालाई पनि अगाडि बढाउने नीति नेपालगञ्ज उपमहानगरपालिकाले लिएको स्वास्थ्य महाशाखा प्रमुख रामबहादुर चन्दले बताए । उनले सार्वजनिक ठाउँ, निकाय र पसलहरुमा नियमन गर्ने बताउँदै पालना नगरेको पाइए सुर्तीजन्य पदार्थ (नियन्त्रण र नियमन गर्ने) ऐन २०६८ बमोजिम कारवाही गरिने स्पष्ट पारे ।

नेपालगञ्ज उपमहानगरपालिकाले आज विहान प्रभातफेरी गरेर अभियानको औपचारिक थालनी गरेको छ । धुम्रपान तथा सुर्तीजन्य पदार्थ नियन्त्रण, नियमन तथा सचेतनामूलक प्रभातफेरी गरिएको हो । भेरी अस्पतालबाट सुरु भएको प्रभातफेरी त्रिभुवन चोकमा पुगेर समापन भएको थियो । प्रभातफेरीमा नगर प्रमुख विष्ट, प्रमुख जिल्ला अधिकारी श्रवणकुमार पोखरेल, जिल्ला प्रहरी प्रमुख तुल बहादुर कार्की, नेपालगञ्ज उपमहानगरपालिकाका प्रमुख प्रशासकीय अधिकृत ओमबहादुर खड्काको पनि उपस्थिति थियो ।

प्रभातफेरी पश्चात आयोजित कार्यक्रमलाई नगर प्रमुख विष्ट, प्रमुख जिल्ला अधिकारी पोखरेल र प्रहरी प्रमुख कार्कीले सम्बोधन गर्दै धुम्रपान तथा सुर्तीजन्य पदार्थको नियन्त्रण र नियमनका लागि आम नगरबासीको साथ आवश्यक रहेको बताए । स्वस्थ र सुसंस्कृत समाज निर्माणका लागि प्रत्येक नागरिकले स्वतःस्फूर्त धुम्रपान र सुर्तीजन्य पदार्थ त्याग्ने प्रतिज्ञा गर्नुपर्नेमा उनीहरुको जोड छ । यो अभियानमा नेपालगञ्ज जेसिजले पनि सहकार्य गरेको छ ।

धुम्रपान र सुर्तीजन्य पदार्थको सेवनले मुटु रोग, क्यान्सर जस्ता खतरनाक रोगहरुको जोखिम बढाइरहेको छ । एक अध्ययन अनुसार कुल मृत्युको १५ प्रतिशत सुर्तीजन्य पदार्थ सेवनका कारणले हुने गरेको छ । २९.९ प्रतिशतले सुर्तीजन्य पदार्थ सेवन गर्ने गरेको पाइएको छ ।

फोटोफिचर

May be an image of 7 people and text May be an image of 9 people and text May be an image of 9 people, temple and text that says 'सफा दर नेपलगाज्जा नेपालगान मसफा मेरो शहर शहरसफा सफा सनन्या पवा्थ मुक्त क पাহবাস্দ मेনাজনतत जभियार जभियान আाন सपना पारी 가전니 ata 20 धूम्पान तथा सूरति सेवन मानव स्वास्थ्यको लागि हानिकारक धूम्रपान तथा सूरतिजन्य पदार्थ नियन्त्रण, नियमन तथा सचेतनामुलक प्रभातफेरी मिति २०८१ बैशाख ០ម गते कार्यत्रम 16/04/2024 08:55' May be an image of 4 people and text May be an image of 9 people and text May be an image of 13 people and text that says 'हरम 式ややに 한한되당 पुत TA पालगान्न पालचो 과뒤 か মইेकন বক-বনছা घूम्पान तथा सुति こイオロン माणलाशफर वाणकरঞ घूम्रपान तथा सरतिजन्य पदार्थ नियन्त्रण नियमन तथा सचेतनामुलक प्रभातफेरी कार्यत्रम मिति 2019 वैशाख ಆ मते लेपालगज उप-नहानगरपालिका नेणललणंत น 16/04/2024 08:25' May be an image of 12 people and text that says 'कानंपडा 10XT धूमपान तथा सुर्ति सेवन मानव स्वास्थरको लागि हानिकारक 領 धूम्रपान तथा सुरतिजन्य पदार्थ नियन्त्रण, नियमन तथा सचेतनामुलक प्रभातफेरी कार्यत्रम मिति 20r9 वैशाख ०४ जते JCIO Pgeigri नेपालर्गज मोपालगाग्-महानमरपालिका -महानमरपालिका महानगरप नेपालगंज ्या्के 김방 16/ 16/04 16/04/202408:25 04 2024 08:25' May be an image of 8 people and text that says '日美理 JCIR Eostobe DHESALA নजনম JCIO JCIO. MAAchieve Ii[ innovat te Initiatem initiate Achieve impact बोणालांज जेसीज साप्ताहिक कार्यक्रम २०२४ धुम्रवान तथा सुर्तिजन्य पदार्थ निसा्जण नियमन तथा सवेतनामुलक प्रभातफेरी कार्यक्रम .