आज र भोलि दुई दिन बालबालिकालाई भिटामिन 'ए' खुवाइँदै

स्वास्थ्य

गृहपृष्ठ
स्वास्थ्य
आज र भोलि दुई दिन बालबालिकालाई भिटामिन 'ए' खुवाइँदै

आज र भोलि दुई दिन बालबालिकालाई भिटामिन 'ए' खुवाइँदै

बिहीबार, वैशाख ६, २०८१ बागेश्वरी पोस्ट

नेपालगञ्ज उपमहानगरपालिका कार्यालय परिसरमा भिटामिन 'ए' खुवाउँदै महिला स्वास्थ्य स्वयंसेविका

नेपालगञ्ज । सरकारले वैशाख ६ र ७ गते बालबालिकालाई भिटामिन ‘ए’ खुवाउने राष्ट्रिय अभियान आजदेखि सञ्चालन गरेको छ । स्वास्थ्य तथा जनसङ्ख्या मन्त्रालयले एक सूचना जारी गर्दै यही वैशाख ६ र ७ गते भिटामिन ‘ए’ कार्यक्रम सञ्चालन गरेको हो ।

भिटामिन ‘ए’ क्याप्सुल छ महिनादेखि ५९ महिनाका बालबालिका तथा जुकाको औषधि एक वर्षदेखि पाँच वर्षसम्मका बालबालिकालाई खुवाइने स्वास्थ्य सेवा विभागको पोषण शाखाले जनाएको छ ।

भिटामिन ‘ए’ करिब ३२ लाख बालबालिका र जुकाको औषधि करिब २९ लाख बालबालिकालाई खुवाइने तयारी गरिएको छ । सरकारले बालबालिकामा हुन सक्ने स्वास्थ्य जटिलता तथा कुपोषणको जोखिम न्यूनीकरण गर्नका लागि २०५० सालदेखि भिटामिन ‘ए’ क्याप्सुल र २०५६ सालदेखि जुकाको औषधि नियमित खुवाउन थालेको हो ।

सोही अभियान अन्तर्गत नेपालगञ्जको २३ वटै वडाहरूमा बालबालिकालाई भिटामिन ‘ए’ खुवाइएको छ ।

सो कार्यक्रममा खोप लगाउन छुटेको बालबालिकालाई खोप पनि लगाउन मन्त्रालयले अनुरोध गरेको छ । नियमित खोप लगाउन नजिकैको स्वास्थ्य संस्थामा सम्पर्क गर्न मन्त्रालयको आग्रह छ ।

खोपले रोग प्रतिरोधात्मक क्षमताको विकास गर्ने हुँदा सबै बालबालिकालाई नियमित खोप लगाउन समेत मन्त्रालयले उल्लेख गरेको छ ।

प्रकाशित मिति: बिहीबार, वैशाख ६, २०८१ १९:१९