बाँकेमा मदरसाबाट आइ.पी.भी. खोप अभियान शुभारम्भ, ३५ हजारलाई लगाइँदै

स्वास्थ्य

गृहपृष्ठ
स्वास्थ्य
बाँकेमा मदरसाबाट आइ.पी.भी. खोप अभियान शुभारम्भ, ३५ हजारलाई लगाइँदै

बाँकेमा मदरसाबाट आइ.पी.भी. खोप अभियान शुभारम्भ, ३५ हजारलाई लगाइँदै

आइतबार, जेठ १३, २०८१ बागेश्वरी पोस्ट

नेपालगञ्ज । बाँकेमा एक मदरसाबाट पोलियो विरुद्धको आइ.पी.भी. खोप अभियान शुभारम्भ गरिएको छ । डुडुवाको हिरमिनिया सुब्बापुर्वास्थित मदर्सा दारुलउलूम इस्लामया कादिर्या नुरी मस्जिदबाट आइ.पी.भी.खोप अभियान शुभारम्भ गरिएको हो । यस्तै नरैनापुर गाउँपालिकामा वडा नम्बर ४ घोरदौरिया प्रावि र वडा नम्बर ५ मटेहिया स्कुलबाट खोप अभियान शुभारम्भ गरिएको छ ।

May be an image of 6 people, people studying and text

आजदेखि देशब्यापीरुपमा शुरु भएको अभियान अन्तर्गत बाँके जिल्लाका ३५ हजार ७ सय ५ बालबालिकालाई आ.पी.भी खोप लगाइँदैछ । २०७३ बैशाखदेखि २०७५ आश्विन महिनाभित्र जन्मेका बालबालिकालाई पोलियो विरुद्धको आ.पी.भी. खोप दिने लक्ष्य छ । त्यसका लागि बाँकेमा २ सय ४३ वटा खोप केन्द्र तोकिएको छ । यस्तै २ सय ४३ जना खोप दिने स्वास्थ्यकर्मी र ४ सय ८६ जना स्वास्थ्य स्वयंसेवक परिचालन गरिएको छ ।

May be an image of 10 people, people studying and text

खोप अभियान जेठ १३ देखि २६ गतेसम्म सञ्चालन हुनेछ । बाँकेमा सकेसम्म २४ गतेभित्र लक्षित सम्पूर्ण बालबालिकालाई खोप लगाउने लक्ष्य लिएको खोप संयोजक नरेश श्रेष्ठले जानकारी दिए । उनले आठ वटै पालिकामा एकैसाथ खोप सञ्चालन भएको जानकारी दिए । नेपालगञ्जमा ९ हजार १ सय २९, डुडुवामा १ हजार ९ सय ६३, कोहलपुरमा ८ हजार, जानकीमा २ हजार १ सय २३, खजुरामा ४ हजार ९ सय ६१ जना बालबालिकालाई खोप लगाउने लक्ष्य छ । त्यसैगरी बैजनाथमा ३ हजार १ सय ३१, राप्तीसोनारीमा ३ हजार २ सय ३१ र नरैनापुरमा ३ हजार १ सय ६८ जना बालबालिकालाई खोप लगाउने लक्ष्य छ ।

May be an image of 5 people, people studying, table and hospital