पालिका तहमा द्रुत प्रतिकार्य टोली गठन तथा पुनर्गठनका विषयमा अभिमुखीकरण

स्वास्थ्य

गृहपृष्ठ
स्वास्थ्य
पालिका तहमा द्रुत प्रतिकार्य टोली गठन तथा पुनर्गठनका विषयमा अभिमुखीकरण

पालिका तहमा द्रुत प्रतिकार्य टोली गठन तथा पुनर्गठनका विषयमा अभिमुखीकरण

बिहीबार, जेठ १७, २०८१ बागेश्वरी पोस्ट

नेपालगञ्ज । जिल्ला स्वास्थ्य कार्यालय बाँकेले पालिका तहमा द्रुत प्रतिकार्य टोली गठन तथा पुनर्गठनका विषयमा आज अभिमुखीकरण गरेको छ ।

स्वास्थ्य कार्यालय बाँकेका प्रमुख अंगद बहादुर शाहीले द्रुत प्रतिकार्य टोली गठन तथा पुनर्गठन, परिमार्जित निर्देशिका, पालिकास्तरको गत तीन बर्षको विपद तथा महामारीको अवस्था तथा व्यवस्थापन, जिल्ला विपद पूर्व तयारी तथा प्रतिकार्य योजना २०८१, गर्मीका कारण हुने 'लु' र त्यसको व्यवस्थापनबारे जानकारी गराउने उद्देश्यले अभिमुखीकरण कार्यक्रम गरिएको बताए ।

नेपालगञ्ज उपमहानगरपालिकाका २३ वटै वडाका स्वास्थ्य संस्था प्रमुखहरुको उपस्थितिमा गरिएको अभिमुखीकरणमा महामारी रोग फोकल पर्सन नरेशबाबु श्रेष्ठले अभिमुखीकरण प्रस्तुति गरेका थिए । यस्तै नेपालगञ्ज उपमहानगरपालिकाका स्वास्थ्य महाशाखाका जनस्वास्थ्य निरीक्षक राजन शाहीले स्वास्थ्यजन्य विपद प्रतिकार्यका लागि पालिका र वडा तहमा भए गरेका प्रगति, अभ्यास र गर्नुपर्ने कामहरुका बारेमा प्रस्तुतिकरण गरेका थिए ।

कार्यक्रममा स्वास्थ्य महाशाखा प्रमुख रामबहादुर चन्दले महामारी विरुद्ध प्रभावकारी लडाइँका लागि द्रुत प्रतिकार्य टोली सशक्तरुपमा परिचालन हुन जरुरी रहेको बताए ।

प्रकाशित मिति: बिहीबार, जेठ १७, २०८१ २१:४९