स्वास्थ्यजन्य फोहोरको उचित ब्यवस्थापनबारे अभिमुखीकरण तथा अन्तरक्रिया

स्वास्थ्य

गृहपृष्ठ
स्वास्थ्य
स्वास्थ्यजन्य फोहोरको उचित ब्यवस्थापनबारे अभिमुखीकरण तथा अन्तरक्रिया

स्वास्थ्यजन्य फोहोरको उचित ब्यवस्थापनबारे अभिमुखीकरण तथा अन्तरक्रिया

बिहीबार, जेठ २४, २०८१ बागेश्वरी पोस्ट

नेपालगञ्ज । नेपालगञ्जका निजी अस्पतालबाट निस्कने स्वास्थ्यजन्य फोहोरमैलाको उचित ब्यवस्थापनबारे अभिमुखीकरण तथा अन्तरक्रिया गरिएको छ । स्वास्थ्य तथा जनसंख्या मन्त्रालय स्वास्थ्य सेवा विभागको आयोजना एवम् लुम्बिनी प्रदेश स्वास्थ्य मन्त्रालय र नेपालगञ्ज उपमहानगरपालिकाको समन्वयमा आज नेपालगञ्जमा निजी अस्पतालका व्यवस्थापकहरुका लागि अभिमुखीकरण र अन्तरक्रिया कार्यक्रम गरिएको हो ।

कार्यक्रममा स्वास्थ्यजन्य फोहोरमैला व्यवस्थापन सम्बन्धमा कानुनी व्यवस्था, स्वास्थ्यजन्य फोहोरमैला नमुना व्यवस्थापन पद्धतिका चरण, उपचार छनौटमा ध्यान दिनुपर्ने कुराहरु लगायतका विषयमा छलफल गरिएको थियो । स्वास्थ्य सेवा विभाग व्यवस्थापन महाशाखाका प्रमुख उपेन्द्र ढुंगाना, विश्व स्वास्थ्य संगठनका डा. सुदनराज पन्थी लगायतले प्रस्तुतिकरण गरेका थिए । अस्पतालबाट निस्कने स्वास्थ्यजन्य फाहोरमैलाको उचित व्यवस्थापन नहुँदा जोखिम बढ्नुका साथै संक्रामक रोगहरुले आक्रमण गर्ने सम्भावना पनि उत्तिकै हुने भन्दै सचेतता अपनाउन आग्रह गरिएको छ । स्वास्थ्यजन्य फोहारमैलाको संक्रमणबाट सामान्य अवस्थामा अस्पताल पुगेको विरामी पनि गम्भीर बन्न सक्नेतर्फ सचेत गराइएको छ ।

कार्यक्रममा नेपालगञ्ज उपमहानगरपालिकाका कार्यबहाक नगर प्रमुख कमरुद्दिन राई, लुम्बिनी प्रदेश स्वास्थ्य निर्देशनालयका निर्देशक डा. विनोद कुमार गिरी, स्वास्थ्य कार्यालय बाँकेका प्रमुख अंगद बहादुर शाही, नेपालगञ्ज उपमहानगरपालिका स्वास्थ्य महाशाखा प्रमुख राम बहादुर चन्द लगायतले स्वास्थ्यजन्य फोहोरमैला व्यवस्थापनमा गम्भीर बन्नुपर्ने धारणा राखेका थिए ।

प्रकाशित मिति: बिहीबार, जेठ २४, २०८१ २१:२१