नेपालगञ्जमा विद्यालय आयुर्वेद तथा योग शिक्षा कार्यक्रम

स्वास्थ्य

गृहपृष्ठ
स्वास्थ्य
नेपालगञ्जमा विद्यालय आयुर्वेद तथा योग शिक्षा कार्यक्रम

नेपालगञ्जमा विद्यालय आयुर्वेद तथा योग शिक्षा कार्यक्रम

बिहीबार, असार १३, २०८१ बागेश्वरी पोस्ट

नेपालगञ्ज । नेपालगञ्जमा विद्यालय आयुर्वेद तथा योग शिक्षा कार्यक्रम सुरु भएको छ । तीन दिने कार्यक्रम आजदेखि सुरु भएको हो । नेपालगञ्ज उपमहानगरपालिका भवानियापुर आयुर्वेद औषधालय र परसपुर आयुर्वेद औषधालयको आयोजनामा विद्यालय आयुर्वेद तथा योग शिक्षा कार्यक्रम गरिएको हो । आयुर्वेद तथा योग शिक्षाको महत्वका बारेमा सुसूचित गर्न कार्यक्रम आयोजना गरिएको हो ।

नेपालगञ्ज उपमहानगरपालिकाका २५ वटा सामुदायिक विद्यालयका २५ जना शिक्षक शिक्षिकाको सहभागितामा तालिम सञ्चालन भइरहेको छ । कार्यक्रममा स्वास्थ्य तथा शारीरिक शिक्षा शिक्षण गर्ने शिक्षक शिक्षिकाको सहभागिता छ । नेपालगञ्ज उपमहानगरपालिका आयुर्वेद शाखा प्रमुख डा. सुरेश पुनको अध्यक्षता एवम् नेपालगञ्ज उपमहानगरपालिकाका उपप्रमुख कमरुद्दिन राईको प्रमुख आतिथ्यतामा उद्घाटन कार्यक्रम सम्पन्न भएको हो । कार्यक्रममा बोल्दै उपप्रमुख राईले स्वस्थ र गुणस्तरीय जीवनका लागि आयुर्वेदिक उपचार पद्धति र योग अति आवश्यक रहेको बताए ।

May be an image of 6 people and text

शिक्षा महाशाखा प्रमुख उपसचिव गोर्ख बहादुर थापाले विद्यार्थीमाझ आयुर्वेद र योग शिक्षाको महत्व सञ्चार गर्न शिक्षकहरुको अहम् भूमिका हुने बताए । स्वास्थ्य महाशाखाका जनस्वास्थ निरीक्षक जागेश्वर बस्नेतले आयुर्वेद र योग शिक्षाका बारेमा विद्यार्थीहरुमा सचेतना अभिबृद्धि गर्नुपर्नेमा जोड दिए । उद्घाटन कार्यक्रममा नेपालगञ्ज उपमहानगरपालिका सञ्चार प्रविधि शाखा प्रमुख घनश्याम बर्मा, भवानियापुर आयुर्वेद औषधालयका प्रमुख मनोज कुमार यादव, परसपुर आयुर्वेद औषधालयका प्रमुख दिलिप नायक लगायतको उपस्थिति थियो ।

May be an image of 6 people and text