हुण्डी कारोबारमा संंलग्न चार जना नेपालगन्जबाट पक्राउ

सुरक्षा-अपराध

गृहपृष्ठ
सुरक्षा-अपराध
हुण्डी कारोबारमा संंलग्न चार जना नेपालगन्जबाट पक्राउ

हुण्डी कारोबारमा संंलग्न चार जना नेपालगन्जबाट पक्राउ

शनिबार, असार २९, २०८१ बागेश्वरी पोस्ट

बाँके । जिल्ला प्रहरी बाँकेले साढे २४ लाख रुपैयाँ बढीसहित हुण्डी कारोबारमा संंलग्न चार जनालाई नेपालगन्जबाट पक्राउ गरेको छ ।

विशेष सूचनाका आधारमा जिल्ला प्रहरी बाँकेको टोलीले नेपालगन्ज-१२ बेलासपुरको एक घर भाडामा लिएर नविल रेफ्रिरिजेरेटर एण्ड एयर कण्डिशन वर्कशप नामको टिभी, फ्रिज मर्मत गर्ने पसलबाट ४ जनालाई पक्राउ गर्दै २४ लाख ६२ हजार ३१५ रुपैयाँ बरामद गरेको जिल्ला प्रहरी बाँकेले जनाएको छ ।

प्रहरीले उक्त पैसासहित नेपालगन्ज-१८ का २९ वर्षीय राकेश भुजु श्रेष्ठ, नेपालगन्ज-३ का २५ वर्षीय २५ वर्षीय सोयब कादरी हलवाई, कोहलपुर-७ का २९ वर्षीय निमबहादुर बोहरा र कन्चनपुर जिल्लास्थित भिमदत्त नगरपालिका-७ घर भएर हाल नेपालगन्ज-३ बस्ने ३० वर्षीय राहुल देवललाई शुक्रवार पक्राउ गरेको जानकारी दिएको छ ।

प्रहरीले उनीहरुको साथबाट हिसाबकिताब राखिएको कापी, विभिन्न व्यक्तिको नाममा पैसा पठाएको भौचरहरु बरामद गरेको जिल्ला प्रहरी बाँकेले जनाएको छ ।

प्रकाशित मिति: शनिबार, असार २९, २०८१ ०९:०९

प्रतिक्रिया दिनुहोस्