बलात्कार मुद्दाका कैदी अस्पतालबाट फरार

सुरक्षा-अपराध

गृहपृष्ठ
सुरक्षा-अपराध
बलात्कार मुद्दाका कैदी अस्पतालबाट फरार

बलात्कार मुद्दाका कैदी अस्पतालबाट फरार

बिहीबार, साउन १७, २०८१ बागेश्वरी पोस्ट

नेपालगन्ज । कारागारमा कैद भुक्तान गरिरहेका जबरजस्ती करणी (बलात्कार) एक कैदी फरार भएका छन् ।

बिरामी भएर कोशी अस्पतालमा भर्ना भएका विराटनगर महानगरपालिका-८ घर भएर जबरजस्ती करणी मुद्दामा दोषी ठहर भएर हाल मोरङ कारागारमा कैद भुक्तान गर्दै आएका २४ वर्षीय आर्यन मोहमद अहमद खान भनिने मोहमद अहमद कोशी अस्पतालबाटै फरार भएका छन् ।

आर्यन अस्पतालबाट फरार भएपछि खोजतलास तीब्र पारिएको मोरङ प्रहरीले जनाएको छ । उनी भारततर्फ भाग्न सक्ने अनुमानका साथ प्रहरीले नेपाल भारत सीमा क्षेत्रमा व्यापक निगरानी बढाएको जानकारी दिएको छ ।

फरार कैदी आर्यनलाई जिल्ला अदालत मोरङले जबरजस्ती करणी मुद्दामा दोषी ठहर गर्दै २०७९ फागुन २९ गते १२ वर्ष जेल सजाय र ५ लाख रुपैयाँ जरिवानाको फैसला गरेको थियो ।

बिरामी परेर मंगलबार कोशी अस्पताल भर्ना भएका कैदी आर्यनले आज बिहान ५ बजे शौचालय जाने क्रममा सुरक्षागार्डलाई धकेलेर फरार भएको जिल्ला प्रहरी कार्यालय मोरङले जानकारी दिएको छ ।

प्रकाशित मिति: बिहीबार, साउन १७, २०८१ १४:३५