नेपालगन्ज-कोहलपुर सडकखण्डमा बस दुर्घटना, दुई जनाको मृत्यु

समाचार

गृहपृष्ठ
समाचार
नेपालगन्ज-कोहलपुर सडकखण्डमा बस दुर्घटना, दुई जनाको मृत्यु

नेपालगन्ज-कोहलपुर सडकखण्डमा बस दुर्घटना, दुई जनाको मृत्यु

बिहीबार, भदौ १३, २०८१ बागेश्वरी पोस्ट

नेपालगन्ज । बाँकेमा बस दुर्घटना हुँदा दुई जनाको मृत्यु भएको छ । दुर्घटनामा २७ जना घाइते छन् । दुर्घटनामा परी दाङ तुलसीपुरका ६० वर्षिय मानबहादुर ओली र तुलसीपुरकै २४ वर्षिय सन्तोष भुषालको मृत्यु भएको हो । मृतक ओली बसका यात्रु र भुषाल बसका सहचालक रहेको जनाइएको छ ।

दाङबाट नेपालगन्ज आइरहेको भे १ ख २१२८ नम्बरको बस रत्न राजमार्ग अन्तर्गत कोहलपुर-नेपालगन्ज सडक खण्डस्थित नमस्ते रेष्टुरेन्ट अगाडि गनापुरमा दुर्घटनामा परेको हो । मोटरसाइकललाई जोगाउने क्रममा तीब्र गतिमा रहेको बस अनियन्त्रित भई दुर्घटनामा परेको बताइएको छ ।

घाइतेहरुको भेरी अस्पताल र नेपालगन्ज मेडिकल कलेजमा उपचार भइरहेको प्रहरीले जनाएको छ । दुर्घटनापछि चालकलाई प्रहरीले नियन्त्रणमा लिएको जनाएको छ । चालकले बसको पट्टा भाँचिएर दुर्घटना भएको बताएका छन् ।

प्रकाशित मिति: बिहीबार, भदौ १३, २०८१ १३:३०

प्रतिक्रिया दिनुहोस्