जापानी इन्सेफ्लाइटिसबाट ९ जनाको मृत्यु

स्वास्थ्य

गृहपृष्ठ
स्वास्थ्य
जापानी इन्सेफ्लाइटिसबाट ९ जनाको मृत्यु

जापानी इन्सेफ्लाइटिसबाट ९ जनाको मृत्यु

बुधबार, भदौ २६, २०८१ बागेश्वरी पोस्ट

नेपालगञ्ज । यस वर्षको मनसुन सुरु भएयता जापानी इन्सेफ्लाइटिसको संक्रमणबाट मृत्यु हुनेको संख्या ९ पुगेको छ । स्वास्थ्य सेवा विभाग अन्तर्गतको परिवार कल्याण महाशाखाका अनुसार १५ साउन यता जापानी इन्सेफ्लाइटिस संक्रमितको संख्या ५३ पुगेको हो ।

गत वर्षको तुलनामा यस वर्ष मृत्यु संख्या बढेको देखिएको छ । गत वर्ष जापानी इन्सेफ्लाइटिस संक्रमणबाट ६ जनाको मृत्यु भएको थियो । यस वर्ष कैलालीमा तीन, सुनसरीमा दुई र सर्लाही, पाल्पा, चितवन तथा कपिलवस्तुमा एक–एक जनाको मृत्यु भएको खोप शाखाका प्रमुख डा. अभियान गौतमले जानकारी दिए ।

‘साउन र भदौ महिनामा यसको संक्रमणदर उच्च हुन्छ । गत वर्षको तुलनामा यस वर्ष संक्रमितको संख्या कम भए पनि मृत्युदर बढेको महाशाखाले जनाएको छ । मृत्यु हुनेमा धेरैजसो जापानी इन्सेफ्लाइटिस विरुद्धको खोप नलिएका व्यक्तिहरू छन् । संक्रमितमध्ये २९ जना १५ वर्षमुनिका बालबालिका छन् ।

प्रकाशित मिति: बुधबार, भदौ २६, २०८१ १५:१९