नेपालगन्जको जमुनहा नाकामा कोरोना जाँच सुरु

स्वास्थ्य

गृहपृष्ठ
स्वास्थ्य
नेपालगन्जको जमुनहा नाकामा कोरोना जाँच सुरु

नेपालगन्जको जमुनहा नाकामा कोरोना जाँच सुरु

मंगलबार, फागुन २०, २०७६ बागेश्वरी पोस्ट

नेपालगन्ज । नेपालगन्जको जमुनाह नाकामा कोरोना भाइरस भित्रीन नदिनका लागि सतर्कता अपनाइएको छ।

नेपालगञ्ज उपमहानगरपालिकाको स्वास्थ्य शाखाले भारतबाट स्थलमार्ग हुँदै नेपालगन्ज भित्रने यात्रुहरुलाई कोरोना भाइरस भए नभएको पत्ता लगाउन नेपालगन्ज रुपैइडिहा सीमा नाका जमुनाहमा सतर्कता अपनाउदै चेक जाँच कक्ष राखेको हो ।

भारतबाट नेपाल भित्रिने ज्वरो तथा अन्य बिरामीको स्वास्थ्य परीक्षण सुरु गरेको स्वास्थ्य शाखा प्रमुख रामबहादुर चन्दले बताए ।सुरुवाती अवस्थामा परीक्षण सामग्रीको व्यवस्था गरी दुई स्वास्थ्यकर्मी परिचालन गरिएको चन्दले बताए। नेपालगन्ज प्रवेश गर्नेमध्ये बिरामी परेका र आफैँ स्वास्थ्य जाँच गर्न चाहने व्यक्तिको सीमानाकामा स्वास्थ्य जाँच गरिने उनले भने ।

सबैलाई स्वास्थ्य परीक्षण गर्ने हो भने अहिलेको पूर्वाधार र जनशक्ति कम हुने भएकाले सशस्त्र प्रहरी बललाई समेत आवश्यक सहयोग र समन्वय गरिदिन अनुरोध गरिएको चन्दले बताए ।नाकामा इन्फारेड थर्मोमिटरबाट मानिसको स्वास्थ्य परीक्षण गरिदै छ । इन्फारेड थर्मोमिटरले बिरामीमा ज्वरो कति छ भन्ने टाढैबाट थाहा पाउँछ र ज्वरोको अवस्था हेरेर सहयोगीकक्षका स्वास्थ्यकर्मीले आवश्यक उपचारका लागि अन्य अस्पतालमा बिरामीलाई पठाउने गरिने छ।

प्रकाशित मिति: मंगलबार, फागुन २०, २०७६ १६:३८