नेपालगञ्जमा खान अयोग्य १७३ केजी मासु नष्ट, २५ हजार जरिवाना

स्वास्थ्य

गृहपृष्ठ
स्वास्थ्य
नेपालगञ्जमा खान अयोग्य १७३ केजी मासु नष्ट, २५ हजार जरिवाना

नेपालगञ्जमा खान अयोग्य १७३ केजी मासु नष्ट, २५ हजार जरिवाना

आइतबार, असोज २०, २०८१ बागेश्वरी पोस्ट

नेपालगञ्ज । नेपालगञ्जमा खान अयोग्य १७३ केजी मासु नष्ट गरिएको छ । संयुक्त बजार अनुगमन समितिले चाडपर्व लक्षित बजार अनुगमनका क्रममा दुई वटा मासु पसललाई २५ हजार रुपैयाँ जरिवाना समेत गरेको छ । चाडपर्वको मौका छोपेर अखाद्य मासु विक्रि गर्ने क्रम बढेको जनगुनासोपछि अनुगमनलाई तीब्र पारिएको छ ।

बाणिज्य, आपूर्ति तथा उपभोक्ता संरक्षण कार्यालय नेपालगञ्जका प्रमुख हरि बहादुर खत्रीले नेपालगञ्ज विमानस्थलबाट कार्गोमा हुम्ला सिमकोट पठाउन लागिएको २२ केजी विषाक्त मासु समेत बरामद गरिएको जानकारी दिए । यसबारे अनुसन्धान भइरहेको खत्रीले बताए ।

No photo description available.

१९ वटा मासु पसल अनुगमन गर्दा ५८ केजी खसीको मासु, १०५ केजी कुखुराको मासु र १० केजी माछा गरी कुल १७३ केजी अखाद्य मासु नष्ट गरिएको छ । नेपालगञ्ज उपमहानगरपालिका वडा नम्बर १५ स्थित मो. सरिफ फ्रेस हाउसलाई २० हजार र वडा नम्बर २० स्थित दानिस फ्रेस हाउसलाई ५ हजार रुपैयाँ जरिवाना गरिएको खत्रीले बताए ।

प्राप्त सूचनाका आधारमा अनुगमन गर्दा मासु व्यापारीको अपराधिक मनोबृत्ति उजागर भएको खत्रीको भनाई छ । "अनुगमन गरिएका मध्ये धेरै पसलमा समस्या थिएन, केही पसलमा देखिएको सामान्य कैफियतलाई केलाएर सचेत बनाएका छौं," खत्रीले भने-"गम्भीर गल्ती गर्नेलाई ठाउँको ठाउँ कारबाही नै गरेका छौं ।"

No photo description available. May be an image of 13 people and text