बलात्कार आरोपित सशस्त्र प्रहरीले हिरासतमै गरे आत्महत्या

सुरक्षा-अपराध

गृहपृष्ठ
सुरक्षा-अपराध
बलात्कार आरोपित सशस्त्र प्रहरीले हिरासतमै गरे आत्महत्या

बलात्कार आरोपित सशस्त्र प्रहरीले हिरासतमै गरे आत्महत्या

सोमबार, कात्तिक १२, २०८१ बागेश्वरी पोस्ट

नेपालगञ्ज । दुई नाबालिकालाई यौन दुब्र्यबहार गरेको आरोपमा पक्राउ परेका दुई सशस्त्र प्रहरीमध्ये एक जना प्रहरीले हिरासतमै आत्महत्या गरेका छन् ।

प्यूठानको वडडाँडा घर भई दाङको भालुवाङस्थित २९ नम्बर ज्वालामाई गणमा कार्यरत सशस्त्र प्रहरी जवान रेवन पचभैया मगर आज बिहान घोराहीस्थित वडा प्रहरी कार्यालयको शौचालयमा ५ बजेतिर आत्महत्या गरेको अवस्थामा फेला परेका हुन् । मगर आफ्नै गञ्जी र टिर्सटको पासो लगाएर शौचालयमा झुण्डिएर आत्महत्या गरेको अवस्थामा फेला परेको जिल्ला प्रहरी प्रमुख एसपी अर्जुन तिमिल्सिनाले जानकारी दिए ।

उनी र सहायक हवल्दार भरत रोका मगर यौन दुब्र्यबहारको आरोपमा कात्तिक ७ गते पक्राउ परेका थिए । असोज २४ गते बेलुकी ज्वालामाई गण नजिकै दसैंको समयमा हालेको पिङ खेल्न गएका मध्ये स्थानीय एक जना ८ बर्षीया र अर्की १४ बर्षीया नाबालिकामाथि यौन दुब्र्यबहार गरेको आरोपमा सशस्त्र प्रहरी आँफैँले उनीहरुलाई पक्राउ गरी प्रहरीलाई बुझाएको थियो ।

दुई बालिकामाथि अपरिचित ब्यक्तिहरुले बलात्कार गरेको भन्दै पीडित बालिकाका आफन्तले घटना अनुसन्धानका लागि प्रहरीमा उजुुरी दिएका थिए ।

प्रकाशित मिति: सोमबार, कात्तिक १२, २०८१ १२:०२

प्रतिक्रिया दिनुहोस्