डेंगी सार्ने लामखुट्टेको लार्भा नष्ट गर्न नेपालगञ्जमा बायोपेस्टिसाइड छर्किन सुरु

स्वास्थ्य

गृहपृष्ठ
स्वास्थ्य
डेंगी सार्ने लामखुट्टेको लार्भा नष्ट गर्न नेपालगञ्जमा बायोपेस्टिसाइड छर्किन सुरु

डेंगी सार्ने लामखुट्टेको लार्भा नष्ट गर्न नेपालगञ्जमा बायोपेस्टिसाइड छर्किन सुरु

मंगलबार, कात्तिक २७, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले डेंगी सार्ने लामखुट्टेको लार्भा नष्ट गर्न बायोपेस्टिसाइड छर्किन सुरु गरेको छ । समुदायस्तरमा डेंगी महामारीका रुपमा फैलिएपछि त्यसको नियन्त्रणका लागि नगरका २३ वटै वडामा लामखुट्टेनाशक जैविक विषादी छर्किन सुरु गरिएको स्वास्थ्य महाशाखा प्रमुख रामबहादुर चन्दले बताए ।

May be an image of 8 people and text

नगर प्रहरीलाई सबै वडाका पानी जम्ने स्थानहरुमा बायोपेस्टिसाइड छर्किने गरी परिचालन गरिएको नगर प्रमुख प्रशान्त विष्टले बताए । त्यसका लागि नगर प्रहरीलाई अभिमुखीकरण गरिएको छ । त्यसक्रममा नगर प्रमुख विष्टले प्रभावकारी ढंगले काम गर्न नगर प्रहरीलाई निर्देशन दिए । नगर प्रहरी युनिटमा नगर प्रहरी निरीक्षक सूर्यबहादुर बोगटीको कमाण्डमा ४२ जना छन् । नेपालगञ्ज उपमहानगरपालिकाले निरन्तररुपमा डेंगी सार्ने लामखुट्टेको लार्भा खोज र नष्ट गर अभियान सञ्चालन गरिरहेको छ । सचेतना प्रबद्र्धनका लागि विभिन्न सचेतनामूलक कार्यक्रमहरु पनि सञ्चालन भइरहेको जनस्वास्थ्य निरीक्षक सरोज रिमालले बताए । प्रमुख प्रशासकीय अधिकृत ओमबहादुर खड्काले डेंगी नियन्त्रणका लागि लार्भा नष्ट गर्ने कार्यलाई नेपालगञ्ज उपमहानगरपालिकाले अभियानकै रुपमा अगाडि बढाएको बताए ।

May be an image of 10 people

विश्व स्वास्थ्य संगठनले परीक्षण गरी प्रयोग अनुमति दिएको तथा नेपाल सरकारबाट समेत अनुमति प्राप्त ब्याक्टो पावर बिटिआई वातावरणमैत्री र जैविक साथै हानिकारक विषादीमुक्त जैविक कीटनाशक औषधि हो । यसले लामखुट्टेको प्रजनन तथा विस्तारलाई रोक्दछ । ब्याक्टो पावर बिटिआईले मानव स्वास्थ्य र जीवजन्तुमा नकारात्मक असर नगर्ने जनस्वास्थ्य निरीक्षक रिमालले बताए ।

May be an image of 6 people and text