महिला र विपन्न बर्गलाई निःशुल्क कानुनी परामर्श सेवा

स्वास्थ्य

गृहपृष्ठ
स्वास्थ्य
महिला र विपन्न बर्गलाई निःशुल्क कानुनी परामर्श सेवा

महिला र विपन्न बर्गलाई निःशुल्क कानुनी परामर्श सेवा

मंगलबार, कात्तिक २७, २०८१ बागेश्वरी पोस्ट

नेपालगञ्ज । महिला र विपन्न बर्गलाई निःशुल्क कानुनी परामर्श सेवा दिइने भएको छ । सुशासन र कानुनको क्षेत्रमा क्रियाशील सूचना र मानव अधिकार अनुसन्धान केन्द्र (आइएचआरसी) नेपालगञ्जले निःशुल्क कानुनी परामर्श सेवा दिने भएको हो । महिला हिंसाविरुद्धको १६ दिने अभियान अन्तर्गत यस वर्ष पनि निःशुल्क कानूनी परामर्श सेवा प्रदान गर्न लागेको सूचना र मानव अधिकार अनुसन्धान केन्द्रले जनाएको छ ।

समुदायमा रहेका महिला, गरीब, विपन्न, असहाय, मुस्लिम महिलाहरुलाई कानुनसंग सम्वन्धित विभिन्न सेवाहरु प्रदान गर्ने आइएचआरसीका अध्यक्ष अधिबक्ता विश्वजित तिवारीले बताए । उनका अनुसार १६ दिने अभियानमा विशेषगरी महिला र विपन्नको सवालमा पैरवी र सामाजिक सेवाको भावनाले उक्त सेवा प्रदान गरिनेछ ।

आइएचआरसीले विगत लामो समयदेखि समुदायका गरीब, विपन्न तथा अल्पसंख्यक समुदायका नागरिकहरुको कानुनी प्रक्रिया अन्तर्गत निवेदन, जाहेरी, प्रतिउत्तर मुद्दा लगायतको सेवा प्रदान गर्दै आएको कार्यकारी निर्देशक राकेशकुमार मिश्रले बताए । यही मंसिर १० गतेदेखि मंसिर २५ गतेसम्म दिवस मनाइनेछ ।

संस्थाले कानुनको क्षेत्रमा विशेष काम गरिरहेकाले कानुनसंग सम्वन्धित विभिन्न सेवाहरु उपलब्ध गराउँदै आएको छ । आइएचआरसीले कानुनी परामर्शसंगै अन्य सरोकारवाला निकायसंगको समन्वयमा सचेतनामूलक अभियान पनि सञ्चालन गर्नेछ । यस वर्ष महिला हिंसाविरुद्धको १६ दिने अभियानमा राष्ट्रिय नारा ‘हाम्रो हक, हाम्रो अधिकार, हिंसाविरुद्धको संघर्ष’ तय गरिएको छ ।

प्रकाशित मिति: मंगलबार, कात्तिक २७, २०८१ १८:४४