एड्सबारे सचेतना फैलाउन नेपालगञ्जमा 'कन्सर्ट'

स्वास्थ्य

गृहपृष्ठ
स्वास्थ्य
एड्सबारे सचेतना फैलाउन नेपालगञ्जमा 'कन्सर्ट'

एड्सबारे सचेतना फैलाउन नेपालगञ्जमा 'कन्सर्ट'

आइतबार, मंसिर १६, २०८१ बागेश्वरी पोस्ट

नेपालगञ्ज । विश्व एड्स दिवसको अवसरमा नेपालगञ्जमा खुला कन्सर्ट गरिएको छ । स्वास्थ्य कार्यालय बाँकेको आयोजना तथा एड्सका क्षेत्रमा काम गरिरहेका विभिन्न संघसंस्थाको संयोजनमा सांस्कृतिक कार्यक्रम गरिएको हो । सांस्कृतिक कार्यक्रमका माध्यमबाट एड्सका बारेमा सचेतना फैलाउन आज साँझ वीपी चोकमा कन्सर्ट गरिएको एड्स हेल्थ फाउन्डेसन (एएचएफ) का कार्यक्रम संयोजक संजयकुमार पौडेलले जानकारी दिए ।

May be an image of 1 person and crowd

कन्सर्टमा नेपाल आइडल करण परियारसँगै स्थानीय डान्सर र स्थानीय ब्यान्डको प्रस्तुति रहेको थियो । कार्यक्रममा राष्ट्रिय एड्स तथा यौन रोग नियन्त्रण केन्द्रका निर्देशक डा. सर्वेश शर्माको समेत उपस्थिति थियो । दिवसको अवसरमै आज विहान जनचेतनाको लागि र्‍याली निकालिएको थियो । कार्यक्रमको अध्यक्षता स्वास्थ्य कार्यालय बाँकेका प्रमुख अंगद बहादुर शाही तथा स्वागत नेपालगञ्ज उपमहानगरपालिका स्वास्थ्य महाशाखा प्रमुख रामबहादुर चन्दले गरेका थिए ।

May be an image of 1 person and text

यस वर्ष 'एड्स अन्त्यको लागि सबैको अधिकार सुनिश्चित गरौं' भन्ने नाराका साथ ३७औं विश्व एड्स दिवस मनाइएको छ । प्रत्येक बर्ष डिसेम्बर १ मा विश्व एड्स दिवस मनाइन्छ ।

May be an image of 2 people and crowd May be an image of 1 person and text