आन्दोलनमा उत्रिए नेपालगञ्ज मेडिकल कलेजका कर्मचारी

स्वास्थ्य

गृहपृष्ठ
स्वास्थ्य
आन्दोलनमा उत्रिए नेपालगञ्ज मेडिकल कलेजका कर्मचारी

आन्दोलनमा उत्रिए नेपालगञ्ज मेडिकल कलेजका कर्मचारी

सोमबार, पुस १, २०८१ बागेश्वरी पोस्ट

नेपालगञ्ज । नेपालगञ्ज मेडिकल कलेजमा कार्यरत कर्मचारी आन्दोलित भएका छन् । आफ्ना माग सुनुवाई नभएको भन्दै कर्मचारीहरु आन्दोलनमा उत्रिएका हुन् ।

लर्ड बुद्ध एजुकेशनल एकेडेमी लिमिटेड कर्मचारी संगठन, संघ, स्वास्थ्यकर्मी युनियन सम्बद्ध सबै कर्मचारी आन्दोलनमा उत्रिएका हुन् । मंसिर २६ गतेदेखि आन्दोलन थालेका कर्मचारीले थप आन्दोलनका कार्यक्रम घोषणा गरेका छन् । कर्मचारी संगठन सभापति एवम् केन्द्रिय आन्दोलन परिचालन कमिटी संयोजक रत्ना गिरी, स्वास्थ्यकर्मी युनियन अध्यक्ष एवम् केन्द्रिय आन्दोलन परिचालन कमिटी सहसंयोजक अनिता थापा र कर्मचारी संघ सभापति एवम् केन्द्रिय आन्दोलन परिचालन कमिटीका सहसंयोजक यमबहादुर खड्काले विज्ञप्तीमार्फत थप आन्दोलनका कार्यक्रम घोषणा गरेका छन् ।

May be an image of text May be an illustration of blueprint, map, ticket stub and text

पूर्ववत आन्दोलनका कार्यक्रमलाई निरन्तरता दिँदै आज र भोलि (पौष १ र २ गते) सम्पूर्ण प्रशासनिक कार्यालयहरुमा तालाबन्दी गर्ने, पौष ३ र ४ गते दिउँसो १ बजेदेखि आधा दिन ओपिडी र शैक्षिक कार्यक्रमहरु पूर्णरुपमा बन्द गर्ने, पौष ५ गते भेला तथा कोणसभा गर्ने लगायतका कार्यक्रम सार्वजनिक गरिएको छ । आन्दोलनका बेला इमरजेन्सी र आइपिडी सेवा भने सुचारु हुने जनाइएको छ । यसअघि पटक पटक भएको वार्ता विफल भएपछि आन्दोलनमा जान बाध्य भएको कर्मचारीहरुको भनाई छ । सरकारी स्केल अनुसारको तलब भत्ता पाउनुपर्ने लगायतका माग राखी कर्मचारी आन्दोलनमा उत्रिएका हुन् ।

May be an image of 11 people and text