नेपालगञ्ज मेडिकल कलेजको आन्दोलनप्रति कांग्रेस-एमालेको चासो

स्वास्थ्य

गृहपृष्ठ
स्वास्थ्य
नेपालगञ्ज मेडिकल कलेजको आन्दोलनप्रति कांग्रेस-एमालेको चासो

नेपालगञ्ज मेडिकल कलेजको आन्दोलनप्रति कांग्रेस-एमालेको चासो

अस्पतालमा देखिएको समस्या समाधानमा गम्भीर बन्न आग्रह

शुक्रबार, पुस १२, २०८१ बागेश्वरी पोस्ट

नेपालगञ्ज । नेपाली कांग्रेस बाँके र नेकपा एमाले बाँकेको दुई दलीय संयन्त्रले नेपालगञ्ज मेडिकल कलेजमा भइरहेको आन्दोलनप्रति चासो ब्यक्त गरेको छन् । कांग्रेस सभापति नारायणप्रसाद गौडेल र नेकपा एमाले बाँके जिल्ला इन्चार्ज शान्ति ढकालले आज एक संयुक्त प्रेस विज्ञप्ती निकालेर अस्पतालमा देखिएको समस्या समाधानमा गम्भीर बन्न आन्दोलनरत पक्ष र अस्पताल प्रशासन दुबैलाई ध्यानाकर्षण गराएका हुन् ।

May be an image of 4 people and text

विगत केही समयदेखि विभिन्न ट्रेड युनियन सम्बद्ध श्रम संगठनहरुले आफ्ना माग राखी आन्दोलन गरिरहेको र हालसम्म ब्यवस्थापन पक्ष तथा ट्रेड युनियनहरुबीच समस्या समाधानका लागि गम्भीरता नदेखिएको भन्दै तत्काल दुबै पक्षलाई गम्भीर भई समस्या समाधानमा लाग्न आग्रह गरिएको छ ।

दुई दलीय संयन्त्रको बैठक पश्चात संयुक्त विज्ञप्ती जारी गरिएको कांग्रेस बाँकेका सचिव सुधांशु कोइरालाले बताए । बैठकमा कांग्रेस सभापति गौडेल, उपसभापति गाृेपाल प्रसाद अधिकारी, एमाले केन्द्रिय सदस्य समेत रहेकी बाँके इन्चार्ज ढकाल, एमाले अध्यक्ष निरक गुरुंग, सचिव बलराम भट्टराई सहभागी थिए ।

May be an image of ticket stub and text

लर्ड बुद्ध एजुकेशनल एकेडेमी लिमिटेड अन्तर्गत नेपालगञ्ज मेडिकल कलेजका कर्मचारीले विभिन्न माग राखेर निरन्तर आन्दोलन गरिरहँदा दुई साता भन्दा बढी समयदेखि ओपिडी ठप्प भएको छ । विभिन्न ७ बुँदे माग राखेर आन्दोलनमा उत्रिएका कर्मचारीका कारण मेडिकल कलेजको सेवा प्रभावित भएको हो । कर्मचारीहरुको मागमा तलब तथा भत्ता महँगी अनुरुप परिमार्जन गर्नुपर्ने, दरबन्दी सिर्जना, पदपूर्ति, पदोन्नति, स्थायी र नियुक्ति, अवकाश, उपदान, सामाजिक सुरक्षा कोष, शेयर र कर्मचारी कल्याणकारी कोष, स्वास्थ्य उपचार खर्च एवं सुविधा, हाजिरी र विदा, अध्ययन एवं तालिम, संस्थागत सुधार लगायत विषय छन् ।

कर्मचारीहरुले आपतकालीन बाहेक सबै सेवा बन्द गरेर आन्दोलन जारी राखेका छन् । २०८१ असार ४ गते लर्ड बुद्ध एजुकेशनल एकेडेमी कर्मचारी संघका सभापति यमबहादुर खड्का, नेपाल स्वास्थ्यकर्मी तथा कर्मचारी युनियनका अध्यक्ष अनिता थापा र लर्ड बुद्ध एजुकेशनल एकेडेमी कर्मचारी संगठनका सभापति समेत रहनुभएकी गिरीले संयुक्त हस्ताक्षर गरेर ७ बुँदे माग प्रस्तुत गरेका थिए ।

May be an image of 5 people and people studying