फोहोर जलाएर प्रदुषण गर्ने शितला ट्रेडर्सलाई ५ हजार जरिवाना

स्वास्थ्य

गृहपृष्ठ
स्वास्थ्य
फोहोर जलाएर प्रदुषण गर्ने शितला ट्रेडर्सलाई ५ हजार जरिवाना

फोहोर जलाएर प्रदुषण गर्ने शितला ट्रेडर्सलाई ५ हजार जरिवाना

शनिबार, पुस १३, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले कवाडी सामान जलाएर प्रदुषण गर्ने शितला ट्रेडर्सलाई कारबाही गरेको छ । नेपालगञ्ज उपमहानगरपालिका वडा नम्बर १० औद्योगिक क्षेत्र अगाडि अवस्थित शितला ट्रेडर्सले कवाडी सामान जलाएर प्रदुषण गरेपछि नेपालगञ्ज उपमहानगरपालिकाले 'फोहोरमैला व्यवस्थापन ऐन २०७५' बमोजिम ५ हजार रुपैयाँ जरिवाना गरेको छ ।

नगर प्रहरी प्रमुख सूर्य बहादुर बोगटी नेतृत्वको टोलीले ट्रेडर्सका सञ्चालक सन्तोष गोडियालाई जरिवाना गराएको हो । पत्रकार एवम् नेपालगञ्ज ग्लालरीका सञ्चालक समिरमान श्रेष्ठले सामाजिक सञ्जाल (फेसबुक) मा भिडियो पोष्ट गरेपछि नगर प्रहरीले 'एक्सन' लिएको हो । नेपालगञ्ज उपमहानगरपालिकाले सडकमा जथाभावी फोहोर फाल्ने तथा प्रदुषण गर्नेहरु विरुद्ध कडा नीति लिएको छ । फोहोरमैला ब्यवस्थापनका लागि लामो समय सचेतनात्मक अभियान चलाएको नेपालगञ्ज उपमहानगरपालिकाले पछिल्लो समय कानुन बमोजम धमाधम कारबाही गरिरहेको छ ।

May be an image of 1 person and fire

नगर प्रमुख प्रशान्त विष्टले फोहोरमैला ब्यवस्थापनका लागि गम्भिरतापूर्वक काम गरिरहेको भन्दै नगरबासीले यो अभियानमा सघाउनुपर्ने बताए । "सुरु सुरुमा हामीले प्रबद्र्धनात्मक कार्यक्रम गर्यौं, अब भने कडारुपमा जानै पर्दछ । फोहोरमैलाविरुद्ध शून्य सहनशिलताका साथ हामी अघि बढेका छौं," उनले भने । विष्टले जथाभाबी फोहोर फालेको थाहा पाएमा सचेत नागरिकका हिसाबले जानकारी गराउन आग्रह समेत गरेका छन् ।

प्रकाशित मिति: शनिबार, पुस १३, २०८१ १९:१३