डुडुवा गाउँपालिकामा बृहत रक्तदान कार्यक्रम गरिँदै

स्वास्थ्य

गृहपृष्ठ
स्वास्थ्य
डुडुवा गाउँपालिकामा बृहत रक्तदान कार्यक्रम गरिँदै

डुडुवा गाउँपालिकामा बृहत रक्तदान कार्यक्रम गरिँदै

शनिबार, पुस २०, २०८१ बागेश्वरी पोस्ट

डुडुवा (बाँके) । डुडुवा गाउँपालिकाले रक्तदान महादान अभियान अन्तर्गत बृहत रक्तदान कार्यक्रम गर्ने भएको छ । मानवको जीवन रक्षाका लागि सामाजिक उत्तरदायित्वको भावनाका लागि यो अभियानलाई निरन्तरता दिएको गाउँपलिका अध्यक्ष नरेन्द्रकुमार चौधरीले बताए । अध्यक्ष चौधरीले भने–“रगतको व्यवस्था गर्न दैनिक सेवाग्राहीको फोन आउँछ, तर गाउँपालिकासंग रगत छैन, त्यसैले व्यवस्थापनमा सहजताका लागि यो अभियान शुरु गरेको छौं, यसका साथै मधेशी समुदायमा रगत दिनु पर्ने सचेतना अभिबृद्धिका लागि पनि रक्तदान अभियान थालेका छौं ।"

भोली पुस २१ गते आइतबार पालिकाको कार्यालयमा बृहत रक्तदान कार्यक्रमको आयोजना गरिएको छ । गाउँपालिकाभित्र गरिब तथा असहाय लगायतका विरामीहरुलाई रगतको व्यवस्थापनका लागि अब गाउँपालिकाले नियमित रुपमा बर्षमा दुई पटक बृहत रक्तदान कार्यक्रम गरी रगत संकलन गर्ने अध्यक्ष चौधरीले बताए । उनका अनुसार बृहत रक्तदान कार्यक्रममा करिब तीन सय बढीको रगत संकलन गर्ने लक्ष्य लिइएको छ । त्यसका लागि जनप्रतिनिधि, कर्मचारी, युवायुवती, महिला, स्वास्थ्यकर्मी, शिक्षक, सुरक्षाकर्मी स्थानीय लगायत सबैको सहभागिता गराइने पालिकाका प्रमुख प्रशासकीय अधिकृत अशोक कुमार पाण्डेले बताए ।

प्रकाशित मिति: शनिबार, पुस २०, २०८१ १७:३८