नेपालगन्जबाट चोरी भएको अर्को मोटरसाइकल फेला पार्‍यो वडा प्रहरीले

सुरक्षा-अपराध

गृहपृष्ठ
सुरक्षा-अपराध
नेपालगन्जबाट चोरी भएको अर्को मोटरसाइकल फेला पार्‍यो वडा प्रहरीले

नेपालगन्जबाट चोरी भएको अर्को मोटरसाइकल फेला पार्‍यो वडा प्रहरीले

सोमबार, माघ २१, २०८१ बागेश्वरी पोस्ट

नेपालगन्ज । नेपालगन्जबाट चोरी भएको अर्को मोटरसाइकल वडा प्रहरी कार्यालय नेपालगन्जले फेला पारेको छ ।

माघ १९ गते नेपालगन्ज-१२ बेलासपुरस्थित निर्मल डाँगीको घरमा पार्किङ गरिराखेको अवस्थामा चोरी भएको भे ७ प १५१७ नम्बरको मोटरसाइकल फेला पारेर सवारी धनीलाई बुझाएको वडा प्रहरी कार्यालय नेपालगन्जले जानकारी दिएको छ ।

निर्मलले आफ्नो मोटरसाइकल चोरी भएको निवेदन दिए पश्चात वडा प्रहरी कार्यालय नेपालगन्जबाट खोजतलासमा खटिएको टोलीले उक्त मोटरसाइकल नेपालगन्जबाट फेला पारेको जनाएको छ ।

फेला परिएको उक्त मोटरसाइकललाई आज आबश्यक कागजात जाँच गरेर वडा प्रहरी कार्यालय नेपालगन्जले सवारी धनी निर्मललाई हस्तान्तरण गरेको हो ।

प्रकाशित मिति: सोमबार, माघ २१, २०८१ १६:१८