बाँकेमा चार दिनमा ६५ प्रतिशत किशोरीलाई 'एचपीभी' खोप

स्वास्थ्य

गृहपृष्ठ
स्वास्थ्य
बाँकेमा चार दिनमा ६५ प्रतिशत किशोरीलाई 'एचपीभी' खोप

बाँकेमा चार दिनमा ६५ प्रतिशत किशोरीलाई 'एचपीभी' खोप

शुक्रबार, माघ २५, २०८१ बागेश्वरी पोस्ट

नेपालगञ्ज । पाठेघरको मुखको क्यान्सर विरुद्धको एचपीभी खोप अभियान सुरु भएको चार दिनमै बाँके जिल्लामा ६५ प्रतिशत किशोरीलाई खोप लगाइसकिएको छ । स्वास्थ्य कार्यालय बाँकेका खोप फोकल पर्सन नरेश श्रेष्ठका अनुसार जिल्लाका चार वटा पालिकामा सुरु गरिएको पहिलो चरणको खोप कार्यक्रम अन्तर्गत नेपालगञ्ज, कोहलपुर, खजुरा र जानकीमा चार दिनमा १५ हजार ८ सय ८३ जना किशोरीलाई एचपिभी खोप लगाइएको छ ।

May be an image of 7 people, people studying and text

उनले ती चार पालिकामा लक्षित उमेर समूहका २४ हजार ५ सय ८९ किशोरीहरु मध्ये १५ हजार ८ सय ८३ जना अर्थात् ६५ प्रतिशतलाई खोप लगाइसकिएको बताए । नेपालगञ्ज उपमहानगरपालिकामा ६ हजार ६९ जना, कोहलपुरमा ५ हजार ८१ जना, खजुरामा ३ हजार ५७ जना र जानकीमा १ हजार ६ सय ७६ जना किशोरीलाई एचपीभी खोप लगाइएको स्वास्थ्य कार्यालय बाँकेका प्रमुख अंगद बहादुर शाहीले बताए ।

जिल्लाका करीब ३७ हजार किशोरीलाई एचपीभी खोप लगाउने लक्ष्यका साथ माघ २२ गतेबाट खोप अभियान सुरु गरिएको थियो । फागुन ६ गतेसम्म सञ्चालन गरिने सो अभियान अन्तर्गत जिल्लामा कक्षा ६ देखि १० सम्म अध्ययनरत र विद्यालय बाहिरका १० देखि १४ वर्ष उमेरका किशोरीहरुलाई उक्त खोप लगाइने स्वास्थ्य कार्यालय बाँकेले जनाएको छ ।

May be an image of 14 people and headscarf