प्रहरीमाथि चक्कु आक्रमणको प्रयास गर्ने युवक पक्राउ

सुरक्षा-अपराध

गृहपृष्ठ
सुरक्षा-अपराध
प्रहरीमाथि चक्कु आक्रमणको प्रयास गर्ने युवक पक्राउ

प्रहरीमाथि चक्कु आक्रमणको प्रयास गर्ने युवक पक्राउ

बुधबार, माघ ३०, २०८१ बागेश्वरी पोस्ट

काठमाडौं । कैलालीको धनगढीको व्यस्त चोकमा ड्युटीमा रहेका नेपाल प्रहरीका कर्मचारीमाथि चक्कु प्रहारको प्रयास भएको छ ।

गए राति सवा ८ बजेको समयमा धनगढीको ट्राफिक चौराहमा हरहर महादेव भन्दै हिंडेका एक युवकले प्रहरीमाथि चक्कु हान्ने प्रयास गरेका हुन् । प्रहरीले ती युवकलाई नियन्त्रणमा लिएको जानकारी दिएको छ ।

पक्राउ पर्नेमा धनगढी उपमहानगरपालिका-१४ बस्ने ३६ वर्षीय टेकबहादुर टमटा रहेका छन् । हातमा चक्कु लिएर हरहर महादेव भन्दै हिँडिरहेका उनलाई नियन्त्रणमा लिने क्रममा प्रहरीलाई लखेटेर चक्कु हन्न्ने प्रयास गरे पनि ती प्रहरीलाई चक्कु लाग्न सकेन ।

ती युवकलाई नियन्त्रणमा लिन खोज्दा प्रहरीलाई लखेटेर चक्कु हान्ने प्रयास गरेको भिडिओ भाइरल बनेको छ ।

ती युवकलाई जिल्ला प्रहरी कैलालीको हिरासतमा राखेर थप अनुसन्धान सुरु गरिएको बताइएको छ ।

प्रकाशित मिति: बुधबार, माघ ३०, २०८१ ०९:०६

प्रतिक्रिया दिनुहोस्