निःशुल्क स्वास्थ्य शिविरमा १३५ जनाले सेवा लिए

स्वास्थ्य

गृहपृष्ठ
स्वास्थ्य
निःशुल्क स्वास्थ्य शिविरमा १३५ जनाले सेवा लिए

निःशुल्क स्वास्थ्य शिविरमा १३५ जनाले सेवा लिए

शनिबार, फागुन २४, २०८१ बागेश्वरी पोस्ट

नेपालगञ्ज । अन्तर्राष्ट्रिय नारी दिवसको अवसरमा नेपालगञ्जमा आयोजित निःशुल्क स्वास्थ्य शिविरमा १३५ जनाले सेवा लिएका छन् । शिविरको लुम्विनी प्रदेश प्रहरी प्रमुख प्रहरी नायव महानिरीक्षक (डिआइजी) दान बहादुर कार्कीले उद्घाटन गरे । कृपा हस्पिटल प्रालिको आयोजना एवम् सामुदायिक (प्रहरी) सेवा केन्द्रको समन्वय-सहकार्यमा सम्पन्न निःशुल्क स्वास्थ्य जाँच शिविरमा पहिलो नम्बरमा नेपालगञ्ज-१० की ७३ बर्षीया गंगादेवी ज्ञवाली र दोस्रो नम्बरमा वडा नम्बर-१० कै ८२ बर्षीय पुरुष नन्द कुमार जोशीले सेवा लिएको सामुदायिक (प्रहरी) सेवा केन्द्र नेपालगञ्जका अध्यक्ष दिपेन्द्र कुमार जोशीले बताए ।

May be an image of 9 people and text

कार्यक्रममा बोल्दै डिआइजी कार्कीले नारी र पुरुषलाई समान अधिकार र समान स्वतन्त्रता अहिलेको आवश्यकता रहेको बताए । त्यसका लागि घरबाटै त्यस्तो वातावरण निर्माण गरिनुपर्नेमा उनको जोड थियो । उनले आधा आकाश ढाकेका महिलाहरुको स्वतन्त्रताका लागि दिवसले महत्वपूर्ण सन्देश दिने बताए ।

May be an image of 5 people, dais and text

त्यस अवसरमा बाँके प्रहरी प्रमुख प्रहरी उपरीक्षक तुल बहादुर कार्की, राजमार्ग सुरक्षा तथा ट्राफिक ब्यवस्थापन कार्यालय लुम्बिनी प्रदेश प्रमुख प्रहरी उपरीक्षक श्याम बहादुर खत्री, कृपा हस्पिटल नेपालगञ्जका प्रमुख डा. प्रबिण कुमार गुप्ता, नेपाल पत्रकार महासंघ बाँकेका अध्यक्ष नवीन गिरी, टोल सुधार समितिकी सरला विष्ट लगायतको उपस्थिति थियो । त्यसक्रममा विभिन्न ब्यक्तित्व एवम् संस्थालाई प्रशंसापत्र समेत प्रदान गरिएको थियो ।

May be an image of 5 people and text May be an image of 9 people and text May be an image of 3 people, dais and text that says 'हर Pekeo श सेपाल 05 पेस सेना राक 00O'