राप्तीसोनारीमा पाठेघर सम्बन्धि नि:शुल्क क्यान्सर परीक्षण शिविर

स्वास्थ्य

गृहपृष्ठ
स्वास्थ्य
राप्तीसोनारीमा पाठेघर सम्बन्धि नि:शुल्क क्यान्सर परीक्षण शिविर

राप्तीसोनारीमा पाठेघर सम्बन्धि नि:शुल्क क्यान्सर परीक्षण शिविर

आइतबार, फागुन २५, २०८१ बागेश्वरी पोस्ट

नेपालगन्ज । ११५औं अन्तर्राष्ट्रिय महिला दिवसका अवसरमा बाँकेको राप्तीसोनारीमा महिलाहरुको पाठेघर सम्वन्धि निःशुल्क क्यान्सर परीक्षण शिविर गरिएको छ । राप्तीसोनारी गाउँपालिका वडा नं. ८ स्थित त्रिशक्ति सामुदायिक वन उपभोक्ता समूहको आयोजना तथा राप्तीसोनारी गाउँपालिका स्वास्थ्य शाखाको प्राविधिक सहयोगमा शिविर गरिएको हो । उक्त शिविरमा ८८ जनाको क्यान्सर परीक्षण गरिएको थियो । त्यसक्रममा ३ जनामा क्यान्सरको शंकास्पद लक्षणहरु देखिएको छ । त्यस्तै ३ जनामा पाठेघर खस्ने र एक जनामा बाँझोपनको समस्या देखिएको स्वास्थ्य शाखा प्रमुख देवेन्द्र केसीले बताए ।

शिविरको उद्घाटन समेत गरेका केसीले पछिल्लो समय महिलाहरुमा पाठेघरको मुखको क्यान्सरको अवस्था भयावह बन्दै गएको बताए । उनले महिलाहरुको मृत्युको कारक मध्ये पाठेघरको मुखको क्यान्सर पनि प्रमुख रहेको बताए । समयमै नियमित चेकजाँच गरे पाठेघरको मुखको क्यान्सरबाट जोगिन सकिने उनको भनाई छ । यस्तै नेपाली काँग्रेसका क्षेत्रीय सचिव खुमबहादुर बस्नेतले पनि महिलाहरु आफ्नो स्वास्थ्यबारे सचेत हुनुपर्नेमा जोड दिए । सामुदायिक वनका अध्यक्ष उमा वली बस्नेतले महिलाहरुको स्वास्थ्यबारे जागरण ल्याउन शिविर आयोजना गरिएको बताइन् ।

प्रकाशित मिति: आइतबार, फागुन २५, २०८१ १४:२४

प्रतिक्रिया दिनुहोस्