मृगौला रोगीहरूका लागि अभिमुखीकरण

स्वास्थ्य

गृहपृष्ठ
स्वास्थ्य
मृगौला रोगीहरूका लागि अभिमुखीकरण

मृगौला रोगीहरूका लागि अभिमुखीकरण

मंगलबार, चैत ५, २०८१ बागेश्वरी पोस्ट

नेपालगञ्ज । बाँकेमा मृगौला रोगबाट प्रभावित बिरामीहरूका लागि शिखर हेल्थ केयर एण्ड डायग्नोस्टिक सेन्टर प्रालिको आयोजनामा अभिमुखीकरण कार्यक्रम सम्पन्न भएको छ । उक्त कार्यक्रम भेरी अस्पतालमा कार्यरत वरिष्ठ फिजिसियन तथा डिएम नेफ्रोलोजिष्ट डा. सौरभ सिंह हमालको विशेष उपस्थितिमा सम्पन्न भएको हो ।

अभिमुखीकरण कार्यक्रममा डा. हमालले मृगौला रोगबाट प्रभावित भई डायलाइसिस गरिरहेका बिरामीहरूलाई स्वस्थ जीवनशैली अपनाउने उपायहरूबारे महत्वपूर्ण जानकारी प्रदान गरे । उनले डायलाइसिसमा रहेका बिरामीहरूले स्वस्थ रहनका लागि उचित खानपान, व्यायाम, औषधि सेवन र नियमित स्वास्थ्य परीक्षणमा ध्यान दिनुपर्नेमा जोड दिए ।

No photo description available.

शिखर हेल्थ केयर एण्ड डायग्नोस्टिक सेन्टरका प्रतिनिधिहरूका अनुसार यस्ता कार्यक्रमहरूमार्फत मृगौला रोगीहरूलाई सही जानकारी प्रदान गरी उनीहरूको जीवनस्तर सुधार गर्ने लक्ष्य राखिएको छ । उक्त अभिमुखीकरण कार्यक्रममा मृगौला रोगीहरूका साथै तिनका आफन्तजन तथा स्वास्थ्यकर्मीहरूको समेत उत्साहजनक सहभागिता रहेको थियो । सहभागीहरूले कार्यक्रमबाट उपयोगी जानकारी प्राप्त गरेको प्रतिक्रिया दिएका छन् ।

यस प्रकारका स्वास्थ्य सचेतना कार्यक्रमले बिरामीहरूमा आत्मबल बढाउने र स्वस्थ जीवनशैली अवलम्बन गर्न प्रेरणा प्रदान गर्ने विश्वास आयोजकको छ ।

प्रकाशित मिति: मंगलबार, चैत ५, २०८१ २०:३०

प्रतिक्रिया दिनुहोस्