जानकीमा ४०० बढीको निःशुल्क स्वास्थ्य परीक्षण

स्वास्थ्य

गृहपृष्ठ
स्वास्थ्य
जानकीमा ४०० बढीको निःशुल्क स्वास्थ्य परीक्षण

जानकीमा ४०० बढीको निःशुल्क स्वास्थ्य परीक्षण

शनिबार, चैत ९, २०८१ बागेश्वरी पोस्ट

नेपालगञ्ज । बाँकेको जानकीमा ४०० जना भन्दा बढीको निःशुल्क स्वास्थ्य परीक्षण गरिएको छ । जानकी गाउँपालिका वडा नम्वर २ बेलभार स्वास्थ्य चौकीमा आज आयोजित वृहत स्वास्थ्य शिविरमा ४०० भन्दा बढीको स्वास्थ्य परीक्षण गरिएको बेलभार स्वास्थ्य चौकीकी सिनियर अहेब उषा वाग्लेले जानकरी दिइन् ।

रोट्रेक्ट क्लब अफ नेपालगञ्ज मेडिकल कलेज बाँके र जानकी गाउँपालिका वडा नम्वर २ बेलभारको आयोजनामा एक दिने शिविर कार्यक्रम सञ्चालन गरिएको हो । बेलभार स्वास्थ्य चौकीमा आयोजित शिविरमा बाल रोग, स्त्री रोग, छाती रोग र सामान्य चिकित्सा सम्बन्धि विशेषज्ञ सेवा प्रदान गरिएको थियो । शिविरमा सम्पूर्ण परामर्श तथा सचेतना सेवा एवम् औषधि समेत निःशुल्क वितरण गरिएको थियो ।

गरीब, विपन्न र सीमान्तकृत समुदायलाई लक्षित गरी शिविर सञ्चालन गरिएको वडा नम्बर २ का वडा अध्यक्ष चन्द्रिका प्रसाद गुप्ताले बताए । घर नजिकै निःशुल्क औषधि उपचार सेवा लिन पाउँदा आफूहरु खुशी भएको सेवाग्राहीहरुले बताए । हरेक महिना यस्तो सेवा वडाबाट पाएमा झनै राम्रो हुने उनीहरुको भनाई छ । स्थानीय ज्ञानमती लोनिया र जय कुमारी खड्काले निःशुल्क स्वास्थ्य सेवा र परामर्श पाउँदा खुसी लागेको बताए ।

प्रकाशित मिति: शनिबार, चैत ९, २०८१ २०:२९

प्रतिक्रिया दिनुहोस्