नेपाल जनस्वास्थ्य संघ लुम्विनी प्रदेशको भित्तेपात्रो विमोचन

स्वास्थ्य

गृहपृष्ठ
स्वास्थ्य
नेपाल जनस्वास्थ्य संघ लुम्विनी प्रदेशको भित्तेपात्रो विमोचन

नेपाल जनस्वास्थ्य संघ लुम्विनी प्रदेशको भित्तेपात्रो विमोचन

बिहीबार, चैत २१, २०८१ बागेश्वरी पोस्ट

नेपालगञ्ज । नेपाल जनस्वास्थ्य संघ लुम्विनी प्रदेशको नयाँ वर्ष २०८२ सालको भित्तेपात्रोको नेपालगञ्जमा विमोचन गरिएको छ । लुम्विनी प्रदेशका स्वास्थ्य मन्त्री खेम बहादुर सारुले आज भित्तेपात्रोको विमोचन गरे । त्यसक्रममा उनले स्वास्थ्यका क्षेत्रमा संघले महत्वपूर्ण योगदान दिएको बताए । लुम्विनी प्रदेशको स्वास्थ्य क्षेत्रको सेवा प्रवाह र विस्तारमा अझ प्रभावकारी भूमिका निर्वाह गर्नका निमित्त पनि उनले आग्रह गरे ।

मन्त्री सारुले लुम्बिनी प्रदेशमा अझै पनि स्वास्थ्य क्षेत्रमा थुप्रै जनस्वास्थ्यका समस्याहरु रहेको उल्लेख गर्दै त्यसको सुधारका निमित्त संघले महत्वपूर्ण सुझाव समेत दिने गरेको उल्लेख गरे । उनले भने-‘प्रदेशको स्वास्थ्य क्षेत्रमा अनेकन समस्या छन् । ती समस्या समाधानमा जनस्वास्थ्य संघले नविनतम् सुझाव दिँदै आइरहेको छ । जनस्वास्थ्यकर्मीहरुलाई धन्यवाद समेत दिन चाहन्छु ।’ उनले जनस्वास्थ्यका गतिविधिहरु अझै तीब्ररुपमा अघि बढाउन पनि सुझाव दिए ।

संघका प्रदेश अध्यक्ष सरोज रिमालको अध्यक्षतामा भएको कार्यक्रममा लुम्बिनी प्रदेश स्वास्थ्य निर्देशनालयका निमित्त निर्देशक रोशनलाल चौधरीले संघले उठाएका स्वास्थ्य क्षेत्रका सवालहरुलाई निर्देशनालयले गम्भीरताका साथ लिने र सम्वोधनको प्रयास गरिरहेको पनि उल्लेख गरे । संघका अध्यक्ष रिमालले संघले स्वास्थ्य क्षेत्रमा संघले गर्दै आएका कामहरुको बारेमा जानकारी गराउँदै स्वास्थ्य सेवाको विस्तारमा सहयोगी भूमिका निर्वाहको प्रतिवद्धता जनाए । प्रदेशका पूर्व मन्त्रीहरु, प्रदेशसभा सदस्यहरु, स्वास्थ्य कार्यालय बाँकेका निमित्त प्रमुख अंगद बहादुर शाही, पालिकाका स्वास्थ्य शाखा प्रमुखहरु, स्वास्थ्यकर्मीहरु, संचारकर्मीहरु लगायतको सहभागिता रहेको उक्त कार्यक्रमको सहजीकरण संघका सचिव नरेश श्रेष्ठले गरेका थिए ।

प्रकाशित मिति: बिहीबार, चैत २१, २०८१ १८:५०

प्रतिक्रिया दिनुहोस्