स्वास्थ्यकर्मी संघ कोहलपुर नगर समितिको अध्यक्षमा घर्ती मगर

स्वास्थ्य

गृहपृष्ठ
स्वास्थ्य
स्वास्थ्यकर्मी संघ कोहलपुर नगर समितिको अध्यक्षमा घर्ती मगर

स्वास्थ्यकर्मी संघ कोहलपुर नगर समितिको अध्यक्षमा घर्ती मगर

सोमबार, चैत २५, २०८१ बागेश्वरी पोस्ट

कोहलपुर । नेपाल स्वास्थ्यकर्मी संघ कोहलपुर नगर समितिको स्थानीय तह स्तरीय दोस्रो अधिवेशन आज सम्पन्न भएको छ । अधिवेशनबाट सर्वसम्मत रूपमा दिल बहादुर घर्ती मगरको अध्यक्षतामा नयाँ कार्यसमिति चयन गरिएको छ ।

नवगठित नगर समितिमा उपाध्यक्ष नमुना पाण्डे, राधिका गैरे, टोप कुमारी उपाध्याय, अजय बर्णवाल र बिना चालिसे, सचिव शिव गौतम, कोषाध्यक्ष पदम बहादुर थारु तथा सह–सचिवमा यशोदा केसी, बेद कुमारी रेग्मी, कर्ण बहादुर शाही र आदित्य चौधरी चयन भएका छन् । यसैगरी सदस्यहरूमा राम सेवक थारु, नन्दकला खड्का, रामकुमारी चन्द, सरिता मैनाली, शान्ति गहतराज, मेघा बिक, प्रकाश विश्वकर्मा, मति कुमारी बुढा आलेलाई चयन गरिएको छ ।

कार्यक्रमको अध्यक्षता कृष्ण बहादुर खड्काले गरेका थिए भने प्रमुख अतिथिका रूपमा नेपाली कांग्रेस कोहलपुर नगर समिति सभापति वीरेन्द्र कुमार शाहको विशेष उपस्थिति रहेको थियो । सो अवसरमा हेपोन जिल्ला सचिव तेज वली, अधिवेशन समिति संयोजक दुर्गा गौतम, जागेश्वर बस्नेत लगायतका विशिष्ट व्यक्तित्वहरूको उपस्थिति थियो । कार्यक्रमको सञ्चालन कोहलपुर नगर स्वास्थ्य शाखा प्रमुख अनिल सेन ठकुरीले गरेका थिए ।

स्वास्थ्य क्षेत्रमा नवगठित समितिको सक्रियता र योगदानका लागि शुभकामना व्यक्त गर्दै सहभागीहरूले आगामी कार्यकाल सफल र प्रभावकारी होस् भन्ने कामना व्यक्त गरेका थिए ।

प्रकाशित मिति: सोमबार, चैत २५, २०८१ २१:२१

प्रतिक्रिया दिनुहोस्