भेरी अस्पतालमा लागेको आगो नियन्त्रणमा आयो

स्वास्थ्य

गृहपृष्ठ
स्वास्थ्य
भेरी अस्पतालमा लागेको आगो नियन्त्रणमा आयो

भेरी अस्पतालमा लागेको आगो नियन्त्रणमा आयो

शनिबार, वैशाख १३, २०८२ बागेश्वरी पोस्ट

नेपालगन्ज । नेपालगन्जस्थित भेरी अस्पतालको मेडिसिन स्टोरमा भएको आगलागी नियन्त्रणमा आएको छ । सशस्त्र प्रहरीको टोली, दमकल तथा अस्पतालका कर्मचारीहरुको सहायतमा आगलागी नियन्त्रणमा आएको हो ।

आज बिहान मेडिसिन स्टोर कक्ष र फार्मेसी तिरबाट आगोको मुस्लो निस्किएको थियो । त्यस लगत्तै आएको दमकल तथा सुरक्षाकर्मीको टोलीले आगोलाई नियन्त्रणमा लिने प्रयास गरेका थिए । आगोको मुस्लोले केही समस्या गरेको भए पनि सबैको प्रयासले नियन्त्रणमा लिइएको हो । शनिवार बिदाको दिन भएर पनि उक्त क्षेत्रमा बिरामी तथा कर्मचारीहरुको उपस्थिति थिएन ।

आगलागीको कारण र क्षतिबारे अध्ययन भइरहेको अस्पतालका प्रमुख मेडिकल सुपरिटेन्डेन्ट डा. निराजन सुवेदीले बताए । रिएजेन्ट, औषधी लगायतका सामानहरु जलेर नस्ट भएको उनले जानकारी दिए । फ्रिजमा विद्युत् सर्ट भएका कारण आगो लागेको हुन सक्ने अनुमान गरिएको छ ।

प्रकाशित मिति: शनिबार, वैशाख १३, २०८२ १३:२५