नेपाल स्वास्थ्यकर्मी संघ बाँकेको छैठौं जिल्ला अधिवेशन सुरु

स्वास्थ्य

गृहपृष्ठ
स्वास्थ्य
नेपाल स्वास्थ्यकर्मी संघ बाँकेको छैठौं जिल्ला अधिवेशन सुरु

नेपाल स्वास्थ्यकर्मी संघ बाँकेको छैठौं जिल्ला अधिवेशन सुरु

शनिबार, वैशाख १३, २०८२ बागेश्वरी पोस्ट

नेपालगन्ज । नेपाल स्वास्थ्यकर्मी संघ बाँकेको छैठौं जिल्ला अधिवेशन नेपालगन्जमा सुरु भएको छ । अधिवेशनको आज नेपाली कांग्रेसका सहमहामन्त्री किशोरसिंह राठौरले उद्घाटन गरे । सहमहामन्त्री राठौरले स्वास्थ्यकर्मीलाई पेशागत जिम्मेवारीमा इमान्दार रहन आग्रह गरे । उनले काम गरेर मात्र देश बन्ने बताए । हरेक क्षेत्रमा अनुशासन जरुरी रहेको राठौरको भनाई छ ।

यस्तै नेपाली कांग्रेस बाँकेका सभापति नारायण प्रसाद गौडेलले गुणस्तरीय स्वास्थ्य सेवा प्रवाह र बिस्तारमा संघले महत्त्वपूर्ण भूमिका निर्वाह गरेको बताए । उनले संघले गर्ने नीतिगत तथा संस्थागत मागलाई कांग्रेसले सम्बोधन गर्ने प्रतिवद्वता जनाए । उनले स्वास्थ्यकर्मीको सुख-दुःखमा काँग्रेस संगै रहेको पनि बताए । नेपाल स्वास्थ्यकर्मी संघ बाँकेका सबै पालिकामा बिस्तार हुँदै चलायमान देखिएकोमा खुसी व्यक्त गरे । संघीय सरकारले तत्काल निजामती तथा स्वास्थ्य ऐन जारी गरेर कर्मचारीहरुको मागलाई सम्बोधन गर्नुपर्ने सभापति गौडेलको भनाई छ ।

संघका जिल्ला अध्यक्ष टेक बहादुर केसीको अध्यक्षतामा भएको उद्घाटन सत्रमा लुम्बिनी प्रदेश सभा सदस्य शुशिला नेपाली, प्रदेश सभा सदस्य मीना सिद्दिकी, नेपाली कांग्रेस लुम्बिनी प्रदेश स्वास्थ्य बिभाग प्रमुख अन्जना पाण्डे, नेपाली कांग्रेसका महासमिति सदस्य यम बहादुर खड्का, नेपाल स्वास्थ्यकर्मी संघका केन्द्रिय उपमहासचिव हरिहर तिवारीले शुभकामना मन्तव्य राखेका थिए ।

यसैगरी नेपाल ट्रेड युनियन कांग्रेसका केन्द्रिय सदस्य देवेन्द्र केसी, नेपाल स्वास्थ्यकर्मी संघका केन्द्रिय सदस्य बिष्णु लामिछाने, ट्रेड युनियन कांग्रेस बाँकेका कार्यबाहक अध्यक्ष तोजिन्द्र बिक, स्थानीय तह कर्मचारी युनियनका अध्यक्ष लोकेन्द्र चन्द, हेल्थ असिस्टेन्ट लुम्बिनी प्रदेश संयोजक अनिल सेन ठकुरी, निजामती कर्मचारी युनियन बाँकेका अध्यक्ष नगेन्द्र शाही, नेपाल पत्रकार महासंघ बाँकेका अध्यक्ष नवीन गिरीले पनि शुभकामना मन्तव्य दिए ।

स्वागत मन्तव्य स्वास्थ्यकर्मी संघका जिल्ला उपाध्यक्ष दुर्गा गौतमले गरिन् भने संचालन कार्यबाहक सचिब तेज ओलीले गरेका थिए ।

प्रकाशित मिति: शनिबार, वैशाख १३, २०८२ १४:३४