आगलागीले आपतः भेरी अस्पतालमा दुई दिन ओपिडी र ल्याब सेवा बन्द हुने

स्वास्थ्य

गृहपृष्ठ
स्वास्थ्य
आगलागीले आपतः भेरी अस्पतालमा दुई दिन ओपिडी र ल्याब सेवा बन्द हुने

आगलागीले आपतः भेरी अस्पतालमा दुई दिन ओपिडी र ल्याब सेवा बन्द हुने

शनिबार, वैशाख १३, २०८२ बागेश्वरी पोस्ट

नेपालगन्ज । लुम्बिनी, कर्णाली र सुदूरपश्चिम प्रदेशको प्रेषण अस्पतालको रुपमा रहेको भेरी अस्पतालको ओपीडी र ल्याब सेवा दुई दिन बन्द हुने भएको छ ।

आज भएको आगलागीले ओपीडी भवनमा नोक्सानी पुर्‍याएपछि भोलि र पर्सि ओपीडी सेवा बन्द गरिएको अस्पतालका प्रमुख मेडिकल सुपरिटेन्डेन्ट डा. निराजन सुवेदीले जानकारी दिए ।

'अस्पताल भवनमा रहेको मेडिकल स्टोरमा आज भएको आगलागीका कारण मेडिकल स्टोर, फार्मेसी, ओपीडी भवन लगायतका ठाउँमा क्षति भएको छ,' उनले भने-'तत्कालका लागि अस्पतालको बहिरङ्ग सेवा (ओपीडी) सुचारु गर्न नसकिने भएकोले वैशाख १४ र १५ गते अस्पतालको ओपीडी तथा ल्याब बन्द रहन्छ ।´

अस्पतालमा आज बिहान साढे १० बजे भएको आगलागीमा करीब ४ करोडको नोक्सानी भएको डा. सुवेदीले बताए । फार्मेसीको स्टोरमा रहेको भ्याक्सिन राख्ने फ्रीजबाट आगलागी भएको अनुमान गरिएको छ । आगलागीको कारण भने खुल्न सकेको छैन ।

प्रकाशित मिति: शनिबार, वैशाख १३, २०८२ १८:००