नेपाल स्वास्थ्यकर्मी संघ बाँकेमा जागेश्वर बस्नेतको नेतृत्व

स्वास्थ्य

गृहपृष्ठ
स्वास्थ्य
नेपाल स्वास्थ्यकर्मी संघ बाँकेमा जागेश्वर बस्नेतको नेतृत्व

नेपाल स्वास्थ्यकर्मी संघ बाँकेमा जागेश्वर बस्नेतको नेतृत्व

शनिबार, वैशाख १३, २०८२ बागेश्वरी पोस्ट

नेपालगञ्ज । नेपाल स्वास्थ्यकर्मी संघ जिल्ला कार्यसमिति बाँकेको छैठौं अधिवेशन आज सम्पन्न भएको छ । अधिवेशनबाट जागेश्वर बस्नेतको नेतृत्वमा नयाँ जिल्ला कार्यसमिति निर्वाचित भएको छ ।

निर्वाचित पदाधिकारीहरूमा उपाध्यक्षतर्फ कमल प्रसाद उपाध्याय, पार्वती सोमै, मोहन देवकोटा, निरञ्जन कुमार थारु, दिनेश नेपाली र प्रेमा शाही रहेका छन् । तेज वली सचिव, नवीन बुढा क्षेत्री कोषाध्यक्ष तथा दिवश अधिकारी, गेहेन्द्र जैशी, कृष्ण बहादुर खड्का र किरण वर्मा सह-सचिवमा चयन भएका छन् । त्यस्तै सदस्यहरूमा राजविर वर्णवाल, नागेन्द्र कुमार शाह, नन्दलाल पाण्डे, तेजु कुमारी गौतम, प्रकाश शाह, सन्देश बहादुर शाही, हेमन्त किशोर शर्मा, प्रिति खड्का, अमृत कुमार राना निर्वाचित भएका छन् ।

अधिवेशनमा नेपाली कांग्रेसका केन्द्रीय सहमहामन्त्री किशोर सिंह राठौर प्रमुख अतिथि थिए । कार्यक्रममा विशिष्ट अतिथि नेपाली कांग्रेस बाँकेका जिल्ला सभापति नारायण प्रसाद गौडेल, लुम्बिनी प्रदेशसभा सदस्यहरू सुशिला नेपाली र मिना सिद्दिकी, नेपाली कांग्रेस लुम्बिनी स्वास्थ्य विभाग प्रमुख अन्जु पाण्डे लगायत नेपाल ट्रेड युनियन कांग्रेस तथा नेपाल स्वास्थ्यकर्मी संघका केन्द्रिय पदाधिकारीहरूको समेत उल्लेख्य उपस्थिति रहेको थियो ।

कार्यक्रमको अध्यक्षता जिल्ला कार्यसमिति बाँकेका निवर्तमान अध्यक्ष टेक बहादुर केसीले गरेका थिए भने सञ्चालन सह-सचिव तेज वलीले गरेका थिए । स्वागत उपाध्यक्ष दुर्गा गौतमले गरेकी थिइन् ।

कार्यक्रममा नवनिर्वाचित पदाधिकारीहरूलाई बधाई तथा सफल कार्यकालको शुभकामना व्यक्त गरिएको थियो । स्वास्थ्य क्षेत्रमा सुधार र स्वास्थ्यकर्मीहरूको हकहितका लागि नयाँ नेतृत्वले थप प्रभावकारी भूमिका निर्वाह गर्ने अपेक्षा गरिएको छ ।

प्रकाशित मिति: शनिबार, वैशाख १३, २०८२ २०:५०

प्रतिक्रिया दिनुहोस्